Migratzaileen afera lantzeko erakunde eta eragile desberdinek atzo Donostian egin zuten bileran parte hartu zuen Aierbek eta bertan hitz egindakoez mintzatu da gaur Radio Euskadin.
Azaldu duenez, beste herrialde batzuetara bidean dauden migratzaileak hartzeko zentro bat sortzeko aukera aztertzen ari da Lakuako Gobernua, bi edo hiru asteko tartera mugatuta egongo litzatekeena, egun indarrean dagoen bost eguneko muga hori handituz.
Zentro horretan «jan eta lo egiteko» aukera eskainiko litzaieke migratzaileei.
Kokapenaz, Aierbek esan du balizko zentro hori Bizkaian kokatuko litzatekeela, bertara iristen baitira migratzaile gehienak (kalean 140 inguru dabiltzala zehaztu du), Gipuzkoan kopurua «askoz ere txikiagoa» den bitartean.
Hala eta guztiz ere, SOS Arrazakeriako kideak argi utzi du oraindik ez dagoela «konpromiso irmorik».
Beste alde batetik, Aierbek ohartarazi du Polizia frantsesak Irungo mugan egiten dituen kontrolak gogortu egin direla eta migratzaileak kanporatzen segitzen dutela. Gaineratu du modu batean edo bestean gehienek lortzen dutela muga gainditu eta beraien bidearekin jarraitzea.
Cien años del primer muerto en el recorrido del encierro y algo de porno
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
Euskal ikurrak Sanferminetan eta zenbait kalejira euskal selekzioa aldarrikatuz
Casi todos los incidentes imaginables se suceden en un encierro de la villavesa lento e irreal
