![Erasoa Tuniseko erdiguneko etorbide batean izan da. (Fethi BELAID/AFP)](/media/asset_publics/resources/000/545/998/article_main_landscape/tunisia.jpg)
Eraso suizida baten ondorioz gutxienez bederatzi lagun hil dira gaur Tunisiako hiriburuan, Tunisen.
Bertako Gobernuak azaldu duenez, emakume batek egin du erasoa eta soinean zeraman leherkariz bestetako gerrikoa eztandarazi du hiriburuko kale nagusietako batean, poliziaren hainbat ibilgailu zeuden toki batean, antzoki baten eta merkataritza gune baten ondoan. Arratsaldeko 14.00ak aldera izan da, Habib Burguiba etorbidean, eta bederatzi lagun zauritu dira lehen balantzearen arabera.
Barne Ministerioko bozeramaile Sofiene Zaag-ek TAP berri agentzia ofizialari esan dionez, zaurituetako zortzi poliziak dira eta bederatzigarrena, zibila.
Erasoaren egilea 30 urte inguruko emakumea izan dela esan dute, baina ez dute datu gehiago eman. oraingoz inork ez du bere gain hartu erasoa. Gertakariaren ondoren poliziak berehala hartu du inguru guztia eta saltokiek ateak itxi dituzte.
Tunisia larrialdi-egoeran dago 2015eko azaroaz geroztik, Tunisen Guardia Presidentzialaren autobus baten kontrako atentatuaren ostean. Eraso hartan hamabi polizia hil ziren eta Estatu Islamikoak hartu zuen bere gain. Larrialdi-egoera hainbat alditan luzatu dute eta horrek salbuespenezko boterea ematen die segurtasun indarrei.
Orduz geroztik hiriburuan izan den lehen atentatua da gaurkoa.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Piratak](/media/asset_publics/resources/001/137/746/article_thumb_horizontal/piratak.jpg)
‘Belak mastara eta euskara plazara’ aldarriarekin ospatuko dute Donostiako Piratek Aste Nagusia
![Atristain](/media/asset_publics/resources/001/134/948/article_thumb_horizontal/Atristain.jpg)
El donostiarra Xabier Atristain queda en libertad condicional tras 13 años preso
![Keyframemugu](/media/asset_publics/resources/001/138/892/article_thumb_horizontal/keyframemugu.jpg)