![30 bakarlari eta talde igoko dira agertokira Illunben.](/media/asset_publics/resources/000/603/091/article_main_vertical/ilunbe-kartela.jpg)
Zea Mays taldeko Aiora eta Piti, Mikel Urdangarin eta Rafa Rueda, Gari, Su Ta Gar, Josetxu Piperrak & The River Rock Band, Ruper Ordorika, ETS, Xutik, Liher, Des-Kontrol, Bad Sound System, McOnak, Somos Guerreras proiektua Rebeca Lane, Nakury MC eta Audry Funk-ekin, KOP, Anita Parker, Patxuko Nice eta Ze Esatek! Horiek dira ekainaren 9ko elkartasun jaialdira batu diren azken hamazazpi talde eta bakarlariak. Horrenbestez, 30 izango dira GARAren espolioari aurre egiteko eta prentsa eta adierazpen askatasunaren alde agertzeko antolatutako jaialdian parte hartuko dutenak.
Alabaina, babesa adierazi duten talde eta bakarlarien zerrenda hiru aste barru Donostia Arenan (Illunben) izango diren horiek osatzen dutena baino dezente luzeagoa da. Asko eta asko izan dira parte hartzeko eskaintza egin dutenak eta azken afixa horretan tokirik gabe geratu direnak, halabeharrez geratu ere: denbora eta espazio faltaren ondorioak. Horiei denei, gure eskerrik beroenak.
Badira aste batzuk gainerako hamahiru izenak ezagutarazi genituela: Berri Txarrak, Los Zopilotes Txirriaos, Soziedad Alkoholika, Hesian, Huntza, Nøgen, Itziarren Semeak, La Furia, Valtonyc, Siroka, Esne Beltza, Talco eta Gatibu.
Egun osoz eta hiru agertokitan
Eguerdian hasi eta 12 orduz luzatuko den jaia izango da ekainaren 9koa –elkartasun egun oso bat, kasik– eta bertaratuko direnek hasieratik bertatik izango dute eskaintza erakargarria: estilo frankotako musika lehen momentutik, jan-edanerako aukera oparoa... Gogoan izateko modukoa izango da.
Jakina, 30 talde izateak azpiegitura potentea eta antolaketa ahalik eta zorrotzena eskatzen ditu: hartara, hiru agertoki jarriko dira azkenean (bi Donostia Arenaren barruan eta hirugarrena kanpoan jarriko den karpan), eta talde edo bakarlari bakoitzak ordu erdiko kontzertua eskainiko du.
Nork noiz eta non joko duen oraindik aurreratzerik ez dagoen arren, egunari amaiera zein taldek jarriko dion esaterik badago dagoeneko: agur biran dabilen Ze Esatek! ska-rock talde gipuzkoarra izango da, kanpoaldeko karpa horretan. Illunbe barrukoa lehentxeago amaituko da eta Los Zopilotes Txirriaos iruindarrak izango dira han azken akordeak joko dituztenak.
GARAren espolioaren berri eman genuen unetik elkartasun adierazpen ikaragarria jaso du proiektu honek –herri eta auzoetan egiten ari diren batzarrak eta “Harpidetu Etorkizunera” kanpaina izaten ari den zabalkundea dira horren seinale–, tartean Euskal Herriko hainbat musika talderena: laster aurkeztu zuten beren burua boluntario zeozer egiteko, eta ekimen horren fruitu da ekainaren 9ko jaialdi berezi hau.
Jendeak ere bikain erantzun du: salgai jarri bezain laster bukatu ziren sarrerak, aurrena Belodromorako eta gero, edukiera arazoei erantzutearren alternatiba bilatu zenean, Illunberako.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Arnaldo](/media/asset_publics/resources/001/153/497/article_thumb_horizontal/arnaldo.png)
UPN coloca una pistola a Arnaldo Otegi en un fotomontaje y luego lo retira
![Somport](/media/asset_publics/resources/001/154/240/article_thumb_horizontal/somport.jpeg)
El cierre de los pasos de Somport y Bielsa desvía el tráfico de camiones a Irun
![Vinicio](/media/asset_publics/resources/001/154/378/article_thumb_horizontal/vinicio.jpg)