«Marra gorri guztiak gurutzatu dira. Jende hau soberan dago, Euskadin beti soberan egon diren bezala intolerantzia eta euskal gizartearen pluraltasunarekiko mespretxua». Hitz horiekin salatu zuen PSEk Idoia Mendiaren etxe atarian gertatutakoa, sare sozialetan lehenik eta alderdiaren Batzorde Eragileak argitaratu zuen ohar batean ondoren.
El PSE-EE denuncia el ataque a la vivienda familiar de @IdoiaMendia.
— Socialistas Vascos - Euskal Sozialistak (@socialistavasco) May 19, 2020
❌“Se han cruzado todas las líneas rojas. Esta gente sobra, como han estado siempre de más en Euskadi la intolerancia y el desprecio a la pluralidad de la sociedad vasca”. pic.twitter.com/mUSuHKvM1Z
Bart, gaueko 22.00ak aldera, ezezagunek pintura gorria bota zuten Mendiaren Bilboko etxebizitzaren atarian. Margoaz gain, gaur gose eta egarri greban hamar egun betetzen dituen Patxi Ruiz Txantreako presoari erreferentzia egiten zioten esku-orriak ere utzi zituzten bertan. «Patxi Ruiz gose eta egarri greban. Idoia Mendia eta PSOE hiltzaileak! Amnistia osoa», zioten orriek.
«Euskal gizartearen askatasunen konkistetan inolako atzera bueltarik ez dugu onartuko. Ezta PSE-EE bezalako alderdi bateko burua, gainera uztailaren 12ko hauteskundeetan lehendakarigai dena, zuzenean mehatxatzea ere», adierazi du alderdiak.
Alderdien gaitzespena
Gertatutakoaren ondotik, Gasteizko Legebiltzarrean ordezkaritza zuten alderdi guztiek –egun deseginda dago–, gaitzespena adierazi zuten, baita Iñigo Urkullu lehendakariak ere.
Urkulluren esanetan, «justifikaezina eta onartezina» da jazotakoa.
EAJk, sare sozialen bitartez, «demokrazia eta elkartasuna» aldarrikatu zituen «euskal faxisten erasoen aurrean», Mendiari eta haren sendiari zein alderdiko kideei elkartasuna adieraziz.
«Bakebidean eta elkarbizitzan urrats sendoak eman behar ditugu arlo askotan eta honelakoek urrundu egiten gaituzte», esan zuen Maddalen Iriartek EH Bilduren izenean. Ordu batzuk lehenago, Patxi Ruizek bizi duen «muturreko egoeraz» ohartarazi eta hari irtenbidea emateko egiten ari dena azaldu zuen koalizioak.
Elkarrekin Podemosek Bilboko Udalean duen bozeramaileak, Ana Viñalsek, nabarmendu zuen halako gertakariek «gizartea hautsi eta demokrazia murrizten» dutela.
«Demokraziaren etsaiek ez dute lekurik euskal gizartean», salatu zuen PPk txio bidez.
Egoera honen aurrean, Foro Sozial Iraunkorrak «positibotzat» jo du «alderdi politikoek Idoia Mendiaren etxeari egindako erasoaren aurrean aho batez emandako erantzuna». «Horrelako ekintzek zaildu egiten dute adostasunak garatzea presoei konponbide integrala emateko», gaineratu dute Twitter sare sozialean argitaratutako mezu batean.
Un hombre mata a una joven de 20 años con un arma blanca en una bajera de Arrotxapea, en Iruñea
Antolín, proveedora de Volkswagen, cerrará su planta de Arazuri-Orkoien, con 108 empleados
«Uste dut gaitasuna erakutsi dugula kantxa osoan jokatzeko»
Ane Urkiri izango da NAIZeko zuzendari berria
