Iruñeko Alde Zaharreko 1.300 bizilagunek bat egin dute Jai Batzordearen proposamenarekin Auzoaren Eguna beste modu batera ospatzeko, gaur goizean auzoaren zenbait tokitan jarri den argazki-mosaiko erraldoian parte hartzen.
Argazki-mosaiko erraldoi hau Nabarreria kaleko Rozalejo jauregitik eskegi dute, bertatik pasatzen diren auzotar guztiek ikusteko parada izan dezaten.
Aste bakar batean, Jai Batzordeak 1.300 argazki biltzea lortu du, parte izan nahi zuten pertsonek bidalita eta baita kaleetan ibili diren hainbat argazkilariek eskuratuta. Hauekin guztiekin, Alde Zaharreko irudi bat erreproduzitzen duen tamaina handiko horma-irudi bat osatu da eta, batera, egunez egun bizirik mantentzen duten pertsonak ikusarazi eta biltzen ditu.
Muralaren irudia baita erreproduzitu da ere 5.000 postaletan Alde Zaharraren Egun atipiko oroigarri gisa eta AZ Ekimenaren web orrialdean eskuragarri daude.
Osasun-egoerak Jai Batzordea aurten Auzoaren Eguna sinbolikoki ospatzen behartu du. Horma-irudiak aukera ematen die auzokideei egun berezi honetan elkarrekin sentitzeko eta egoteko eta, aldi berean, ahalbidetzen du azken hilabeteetan auzoaren bizitza definitu duen elkartasun eta zaintzaren aldeko apustuari eusten jarraitzeko.
Alde Zaharreko eguna 2020
— AZ Ekimena (@AZekimena) May 30, 2020
Día del Casco Viejo 2020#Iruñea #Pamplona pic.twitter.com/OIQePKnBJy