Folklorea, jazza eta musika klasikoa ditu ardatz Garikoitz Mendizabalen eta Gorka Hermosaren proiektu berriak. Txistua eta eskusoinua bat eginda. Euskal Herriko eta Iberiar penintsulako folklorearen erritmo eta melodiak, jazzaren askatasuna eta musika klasikoaren prozesu konpositiboak fusionatu dituzte.
Oraingoan Gorka Hermosak sortutako errepertorioa jorratuko dute. CIA IMC-UNESCO konposizio saria, Munduko Akordeoi elkartearen urteko pieza onenaren saria lortu du azken 6 urteotan lau aldiz eta PIF Castelfidardo Konposizio saria lortu ditu errepertorio honek Berlingo Filarmonikan. Washingtoneko National Opera Kennedy Center edo Madrilgo Auditorio Nazionalean jo dituzte piezak. Mundu mailan ezagunak diren solistek interpretatu dituzte, baita nazioarteko 20 orkestrak ere.
Bilboko Euskalduna Jauregiko Auditorioan aurkeztuko dute proiektua hilaren 17an, 20.00etan.