Igor Gonzalez Solaren heriotzak bere gordinasun osoz erakutsi du espetxe politika arduragabeki luzatzeak ekar ditzakeen ondorio latzak, gaur Baionan eginiko agerraldian Bake Bideak eta Bakegileek nabarmendu dutenez.
Horren harira, salbuespeneko espetxe politikaari amaiera emanez, legea konponbide prozesuaren eskutik duela hamarkada bat sorturiko egoera berriari egokitzeko bi eskaera nagusi berretsi dituzte.
«Nehork ez dezala pensatu ekidin zitekeen heriotza hori gertatu den bezala frantziar espetxeetan ezin direla halako gertaera larriak gertatu» ohatrarazi du Mixel Berhokoirigoin bakegileak.
«Ez dugu desarmatzea egin bide erdian gelditzeko» gehitu du Bake Bidea elkarteko lehendakaria den Anaiz Funosasek, berretsiz engaimendu osoa dutela konponbide prozesua bururaino eramateko.
Heldu den irailaren 24an erabaki inportanteak espero dira espetxean 30 urte daramatzaten Xistor Haranburu eta Jakes Esnalen auzietan. Ion Kepa Parotek, berriz, seigarren askatasasun galdera aurkeztu duela baieztatu dute gaur bake eragileek.
Auzi horiek guztiek behar dutela seinale argi bat utzi konponbide prozesuaren jarraipenari begira uste dute. Izan ere, «justiziaren bideak agortuta daudela frogatzen bada bide politikoak hartuko duela ezinbestean indar osoa» aditzera eman dute.
Hau da, epaitegiek ez badute biderik erakusten «Emmanuel Macron presidentearengana zuzenduko gira», erran du Berhokoirigoinek.
Mobilizazio egun bat, errimoa azkartzeko
Irailaren 19an, goizean, Ipar Euskal Herri mailan herri mobilizazioak izanen direla iragarri dute. Eguerdian, berriz, hiru auto karabana abiatuko dira Maule, Donibane Garazi eta Hendaiatik. 14.30ean Baionako Prefeturaren aurrean batuko dira «jendartearen borondate azkarra erakutsiko duen ekimen batekin», gehitu du Funosasek.
Datozen egunotan zeheztasun gehiago emango dituzte mobilizazio egunari buruz.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![0811_eh_pavel](/media/asset_publics/resources/001/145/092/article_thumb_horizontal/0811_eh_pavel.jpg)
Polonia mantiene abierta la investigación contra Pablo González y podría juzgarlo en rebeldía
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)