![Kamioiak Doverreko portura iristen, Europara bidean. (Glyn KIRK/AFP)](/media/asset_publics/resources/000/763/368/article_main_landscape/brexit.jpg)
Hasi berri den astean ikusiko da Boris Johnsonen prestaketa lanen egokitasuna, herrialdeak Europako Batasunaren merkatua mende erdi baten ostean utzi eta gero.
Arratsalderako ez da berebiziko arazorik sumatu Mantxako alde batean edo bestean, Eurotunelaren terminaletan eta Ingalaterrako hego-ekialdean dagoen Douvreseko ferry-terminalean. Bertatik 2,4 milioi ibilgailu astun igaro ziren 2019an.
«Trafiko erosoa dago portuan (Brexita martxan jarri zen) urtarrilaren 31tik hona», ziurtatu du bertako bozeramale batek. Hala ere, azken egunetan askoz kamioi gutxiago igaro dira bertatik.
«Urte hasiera oso lasai doa», baieztatu du BBCan Chris Parkerrek, DFDS ferryen konpainiaren bozeramaileak, eta muga pasatzeko beharrezko formalitateek atzerapenik ez dutela eragin ziurtatu du.
Brexitaren ondorengoak berebiziko inportantzia du Boris Johnsonentzat, Britainia Handia koronabirusaren aldaera berriaren eraginez lur jota dagoen honetan, 75.000 hildakoekin.
Gabon egunaren bezperan Europar Batasunak eta Londresek sinatu zuten merkatal akordioari esker ez da aduanarik eta kuotarik ordaindu beharko, mugan sortu zitekeen kaosa ekidituz. Hala ere, paperak bete beharrak arazoak sor ditzake oporren ostean ohiko merkatal-trukaketa berreskuratuko denean.
Baimen elektronikoa
Dena den, Britainia Handiak ez ditu tramite guztiak berehala eskatuko uztailera arte. Ordutik aurrera baimen elektronikoa erakutsi beharko dute Europara zeharkatu nahi duten kamioi-gidailariek.
Enpresa txikiek eta ertainek ordurako prest egongo ez diren beldur da Gobernua, eta kamioi pilaketak sortu daitezke. Egoera hori aurrikusita, Gobernuak kamioientzako parking erraldoiak eraiki ditu.
Helburua Gabon inguruan bizi izan zen kaosa ekiditea da. Milaka kamioi blokeatuta geratu ziren orduan, koronabirusaren aldaera berriaren harira Estatu frantsesak mugak itxi zituelako. Mila soldadu inguru bidali behar izan zituen Britainia Handiak trafiko arazoak arintzeko eta Brexit kaotiko baten mamua aurreikusi zuen.
![Bayesian](/media/asset_publics/resources/001/148/137/article_thumb_horizontal/bayesian.jpg)
¿Quién es Mike Lynch? Las «vacaciones corporativas» trágicas del «Bill Gates británico»
![Raimundoelcanastero2022](/media/asset_publics/resources/001/051/685/article_thumb_horizontal/raimundoelcanastero2022.jpg)
UPN sigue forzando la máquina contra Raimundo el Canastero: cuatro citaciones más en Lizarra
![Exezarraga_eta_galdos](/media/asset_publics/resources/001/149/031/article_thumb_horizontal/exezarraga_eta_galdos.jpg)
Mueren dos montañeros guipuzcoanos, de 26 y 27 años, en el Mont Blanc
![0822_jaia_paya](/media/asset_publics/resources/001/148/369/article_thumb_horizontal/0822_jaia_paya.jpg)
El desembarco de Guggenheim Urdaibai bien vale una Campana
![Mani](/media/asset_publics/resources/001/149/003/article_thumb_horizontal/mani.jpg)