![Martija, Eibarko Astelena pilotalekuan jokaturiko neurketan. (Jaizki FONTANEDA / FOKU)](/media/asset_publics/resources/000/767/232/article_main_landscape/martija.jpg)
Julen Martijak eskuin eskuan mina duela-eta, Iñigo Bikuña donostiarrak ordezkatuko du atzelari nafarra ostiraleko norgehiagokan, zeinean Jakarekin bikotea osatuz, Urrutikoetxea eta Imazen aurka neurtuko dituen indarrak. Momentuz, Aspek ez du jakinarazi zenbateiranoko lesioa den Martijarena.
Pasa den jardunaldian tanto bakarrarengatik lehen puntua eskuratu zuen Jaka-Martija bikoteak, Ezkurdia eta Ladis Galarza gainditu ostean.
Datorren jardunaldian, puntu bakarrarekin dauden Urrutikoetxea eta Imaz izango du aurrean Buruz buruko txapeldun Erik Jakak, Bikuña atzean duela.
Atzelari donostiarrak 22 urte beteko ditu martxoan eta duela urte eta erdi egin zuen debuta profesionaletan, Atano III pilotalekuan jokaturiko neurketa batean.
Aurreko Binakako txapelketako edizioan, lehen aldiz parte hartzear egon zen Bikuña, orduan ere Martija ordezkatuz, hau koronabirusagatik konfinatua baitzegoen. Greba auziaren erdi-erdian, atzeratu egin zen jokatu beharreko finalerdia eta azkenean ez zuen jokatu Bikuñak.
Esan bezala, Aspek oraindik ez du iragarri zenbat denborarako egongo den pilotalekutik at Julen Martija.
Aurtengo Binakako txapelketako bigarren ordezkapena da honakoa. Duela aste bete, Oinatz Bengoetxea Iñaki Artola ordezkatu zuen, zuntz haustura batengatik.
![Euskara-saria](/media/asset_publics/resources/001/148/691/article_thumb_horizontal/euskara-saria.jpg)
Hau Pittu Hau konpartsaren Euskara Saria jaso du Presoen Euskara Irakasle Taldeak
![Itunougarte](/media/asset_publics/resources/001/148/694/article_thumb_horizontal/itunougarte.jpg)
«Gustura onartu dut erronka; hori ere badelako, ordainsariak dituen erronka bat»
![Mani](/media/asset_publics/resources/001/149/003/article_thumb_horizontal/mani.jpg)
Bilbo reivindica en ambiente festivo que la vuelta a casa de los presos sea una realidad
![Captura_de_pantalla_2024-08-25_a_las_14.19.11](/media/asset_publics/resources/001/149/394/article_thumb_horizontal/Captura_de_pantalla_2024-08-25_a_las_14.19.11.png)