![Mahaiak osatzeko arazoak egon daitezkeela aurreikusten du Generalitateak. (Lander FERNÁNDEZ DE ARROYABE/FOKU)](/media/asset_publics/resources/000/759/195/article_main_landscape/Naziometroa.jpg)
RAC1 kateari egindako adierazpenetan, Peña-Lopezek gogorarazi du otsailaren 14ko bozetako mahaiak goizeko 8.00etatik 9.00etarako tartean osatu behar direla, eta batzuek arazoak badituzte, kide nahikoa aurkeztu ez delako, ordubete gehiago izango dute, hamarrak arte, hutsune horiek bete ahal izateko.
Bartzelonako Hauteskunde Batzorde Probintzialak, adibidez, aurreikusi du arazorik gabe eratu diren hauteskunde-mahaietako ordezkoak beste mahai batzuetara bideratu ahal izango direla, egon daitezkeen hutsuneak betetzeko. 10.00etarako mahai batek osatzeko nahikoa kiderik ez balu, «automatikoki» bertan behera geratuko litzateke, eta «48 orduren buruan» osatu beharko litzateke, bertan botoa eman behar zuten hautesleek horretarako aukera izan dezaten.
Goizeko hamarretan osatu ezin izan diren hauteskunde-mahai «asko» egongo balira, «arazo handia» legoke, Hauteskunde Prozesuen arloko Generalitateko goi-kargudunak aitortu duenez. Huts egin duten mahaiak «asko» izango balira, bere ustez, horrek «asteartean botoa emango duten pertsonen botoari eragin diezaioke», izan ere, «boto taktikoagoa egin dezakete», otsailaren 14ko gauean argitaratutako behin-behineko emaitzek baldintzatuta.
Kataluniako Gobernuak «egoera hori» aurreikusi du, eta hauteskunde gauean datuen argitalpena behin-behinean «etetea» proposatu du: «Datuak batzea ere aurreikusten ari gara, filtraziorik egon ez dadin», gaineratu du.
Peña-Lopezek ez du zehaztu zenbat mahaik huts egin beharko luketen hauteskunde gauean emaitzak ez argitaratzeko, baina azpimarratu du hori, dena dela, otsailaren 14an bertan baloratuko litzatekeela, hautagaitzekin, Kataluniako alderdien mahaiarekin eta Hauteskunde Batzordeekin koordinatuta.
20.000 pertsonak baino gehiagok aurkeztu dituzte alegazioak egun horretan mahaietan egon beharrik ez izateko, guztira deitu dituzten pertsonen laurdena baino gehiago.
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)
Detienen a un ertzaina en Donostia acusado de intentar matar a su mujer con un cuchillo
![I1](/media/asset_publics/resources/001/147/611/article_thumb_horizontal/i1.jpg)