Fran Balda omentzeko ekitaldia ekainaren 6an egingo dutela iragarri dute. Martxoaren 14an hil egin zen kotxe batek harrapatuta Etxarritik Arbizura itzultzen zenean. Etxarrin presoen aldeko mobilizazioa baten antolakuntzan izan zen Balda, bizitza guztian egin zuen bezala, presoen eskubideen alde lanean.

Koronabirusak izan zuen gorakada dela eta, bertan behera utzi behar izan zuten apirilean prestatu zuten ekitaldia. Izan ere, bai Arbizun bai Etxarrin itxialdiak ezarri zituen Nafarroako Gobernuak koronabirusan inzidentzia oso altua zelako. Orain, berriz, pandemiaren egoera lasaitu da eta ekitaldia antolatzeko baldintza egokiak daude. Gauzak horrela, ekainaren 6an egingo da Arbizun Baldaren omenezko ekitaldia.

Oraingoan bai. Ekainaren 6an eginen dizugu merezi duzun omenaldia, Balda.
Nekez uzten baitu herria,
herria egin duenak.@guaixe @AhotsaInfo @naiz_info @berria pic.twitter.com/CgRabcStBa

— Arbizun (@Arbizukoudala) May 23, 2021

53 urte zituen Baldak eta bizitza osoan esparru ugaritan konpromiso militantea izan zuen. Ezagunena presoen eskubideen aldeko jardueran izan zen, baina Arbizuko zinegotzia izan zen eta internazionalismoan ere aritu zen. Azken urteotan, Nafarroan izandako torturaren testigantzak biltzeko lanean aritu zen, Euskal Memoria taldearen eskutil. 2013an Herriraren kontrako operazioan atxilotu zuen Guardia Zibilak. 2015eko urtarrilean berriro atxilotu eta kartzeleratu zuten, urteko bereko azaroan aske utzi zutelarik.