![Antxoaren kanpainaren hasierako argazkia, Getarian. (Juan Carlos RUIZ / FOKU)](/media/asset_publics/resources/000/737/116/article_main_landscape/antxoakanpaina.jpg)
Espainiar Gobernuko Nekazaritza, Arrantza eta Elikadura Ministerioak igande honetan jakinarazi die Kantauri itsasoko baxurako kofradiei antxoaren arrantza debekatuko dutela astearteko 00:00etatik aurrera.
Horrela, bihar izango da baxurako ontzientzako antxoaren kanpainaren azken eguna, «aurtengo kuotaren ia %90era iritsi delako», Donostiako Kofradia Itsas Etxeak jakitera eman duenez.
Hala, Ministerioko iturriek Efe agentziari jakinarazi diotenez, kuotaren gainerako %10a bigarren seihilekoan arrantzatu ahal izango dute.
EAEko baxurako arrantza-sektoreari balioa ematea helburu duen zentro horrek euskal flotarentzako kanpainaren balantzea egin du, eta hasi zena baino hobeto amaitu dela nabarmendu du. Bere ustez, antxoaren biomasa maila osasungarrian mantentzen da, «txosten zientifikoek» adierazten duten bezala.
Itxas Etxea azaldu duenez, martxoaren 1ean «goiz hasi» zen arrantza, eta, hasieran, tamaina txikiagoko aleak portutik gertu harrapatu zituzten, eta horrek «oso prezio baxuetan» saltzea eragin zuen.
Berdela arrantzatzeko geldialdi laburraren ondoren, kanpainaren bigarren zatia, apirilaren erdialdean hasitakoa, Kantabriako eta Asturiasko uretan egin da nagusiki.
Kanpainaren amaieran, batez ere azken hilabetean, arrantzaleek antxoa «handiagoa» aurkitu dute, lonjan prezio altuagoa duena, eta, ondorioz, arrantzaldia «amaiera gozoarekin» amaitu da.
Kofradia Itsas Etxeak azpimarratu duenez, «sektoreak bere buruari mugak ezarri dizkio kanpaina luzatu ahal izateko, harrapaketa ugarien aurrean, egunero itsasontzi bakoitzeko kupoak jarrita eta hiru hilabete hauetan astean lau egunez arrantza eginez».
Asteartetik aurrera, inguraketa baxurako ontziek sareak alde batera utziko dituzte hegaluzearen kanpainarako itsasontziak prestatzeko.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)