![Kaleratzeak Stopek Donostian egindako prentsaurrekoa. (Jagoba MANTEROLA/FOKU)](/media/asset_publics/resources/000/809/290/article_main_landscape/Stop-Kaleratzeak-Donostia.jpg)
Dozenaka bizilagun eta gizarte erakundeetako ordezkariak elkartu dira astelehen honetan Donostiako Kutxabanken egoitzaren aurrean, familia zaurgarri baten etxegabetzea bertan behera utz dezan eskatzeko. Manifestariek aldarrikatu dute errenta zaharreko maizter izaera aitor diezaietela, «40 urte baino gehiago bere etxebizitza izan dena eta eraiki zuena epemugarik gabe izan dezan».
«Alkatetzarekin biltzeko eta banketxearekin egindako kudeaketen berri emateko zain gaude, etxegabetzea bertan behera uzteko eta etxebizitzan mugarik gabe egongo dela bermatzeko, Kaleratzeak Stopek proposatutako eta 2015eko irailaren 24ko osoko bilkurak hartutako ebazpenean oinarrituta. Horren bidez, Donostia bankuek eta/edo funts putreek eskatutako pertsona kalteberen etxegabetzerik gabeko hiri deklaratu zen», azaldu du erakunde horrek.
Kaleratzeak Stopez gain, Alokairu-Benta Berri, Inquilinos Azora, Egia 22, Egia Bizirik, Caritas Altza-Larratxo, Frente Obrero, EH Bildu eta Elkarrekin Podemos-IUko batzarkideek, CNT eta Steilas erakundeek ere sustatu dute deialdia.
Errenta zaharreko kontratua
Rosariok eta bere semeak 76 eta 51 urte dituzte, %54 eta %70eko desgaitasunarekin, hurrenez hurren, eta alarguntasun pentsioagatik, semearen desgaitasunagatik eta Udalaren laguntza gehituta hileko 1.020 euroko diru-sarrerak dituzte eta duela 40 urte baino gehiago bizi dira Rosarioren amak eraikitako etxean.
Bertan bizitzeagatik, alokairu apal bat ordaintzen zion lursailaren jabeari. Jabe horiei Kutxabankek hipoteka-betearazpeneko demanda jarri zien eta, horren bidez, 2012ko apirilean bere egin zuen lursaila. Rosario eta bere familiaren errenta zaharreko kontratua subrogatu egin zuen, 1964ko HELak finkatzen duen kontratuaren nahitaezko luzapen mugagaberako eskubida barne.
«Une horretatik aurrera, familia honen arazoa hasten da, Kutxabankek iraupen mugagabeko kontratu hau deuseztatzeko egindako ahaleginak egin baititu. Ez du erregularizatu nahi izan Rosarioren amak aurreko jabeekin duela 50 urte baino gehiago hitzez sinatuko kontratu horren kontratu-harremana», salatu dute.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bidasoa-irla](/media/asset_publics/resources/001/142/169/article_thumb_horizontal/bidasoa-irla.jpg)
Traspaso de poderes en el condominio más pequeño del mundo, la Isla de los Faisanes
![Putin](/media/asset_publics/resources/001/142/722/article_thumb_horizontal/putin.jpg)
Pablo González, libre tras dos años y medio sin pruebas en contra ni juicio
![Lizarra](/media/asset_publics/resources/001/142/865/article_thumb_horizontal/lizarra.jpg)
La fiesta en Lizarra arranca con represión a un cantante, cohete dividido y Bajadica suspendida
![Policia](/media/asset_publics/resources/001/142/734/article_thumb_horizontal/policia.jpg)