![Stoichkov 2018an heldu zen Mallorcara baina azken bi denboraldiak utzita eman ditu Alcorcónen eta Sabadellen. (RCD Mallorca)](/media/asset_publics/resources/000/817/102/article_main_landscape/Stoichkov.jpeg)
Eibarrek Juan Diego Molina «Stoichkov» fitxatu du. Aurrelaria akordio batera iritsi da Mallocarekin bere kontratua deuseztatzeko eta talde armaginarekin sinatu du berria, hurrengo hiru denboraldietarako.
Stoichkov San Roquen jaio zen orain dela 27 urte. Cacereño, Europa eta Balompedica Linenserekin eman zituen lehen urratsak 2018an Mallorcara heldu aurretik. Igoera lortu zuen Balearretako taldearekin baina ezin izan zuen Lehen mailan debutatu, Alcorconera utzita joan baitzen. Gauza bera gertatu zaio aurreko denboraldian. Sabadellen eman du, berriro ere utzita. Zenbaki ezinhobeak lortu ditu bertan, 11 gol sartu baititu 37 partidatan baina oraingoan ere ez dio balio izan Lehen mailako Mallorcan lekua lortzeko. Bere golak eta Bigarren mailaren ezagutza Eibarri eskainiko dizkio hemendik aurrera.
Armaginek uda honetan egin duten bederatzigarren fitxaketa da Stoichkovena. Aurretik, Jose Corpas, Oscar Sielva, Cristian Glauder, Javi Muñoz, Venancio, Fran Sol, Franchu eta Xabi Etxeita heldu dira Ipuruara. Gaizka Garitanok, hala ere, 19 jokalari besterik ez ditu eta hutsune garrantzitsuak betetzear daude oraindik. Atea, batez ere, Yoel baita atezain bakarra. Ezker hegalean ere, momentuz ez dago lehiarik Cristian Glauderrentzat, eta hegaleko erasotzaileak faltan dira ere. Stoichkoven etorrerarekin hiru dira dagoeneko aurrelariak baina armaginek laugarren bat fitxatzea nahiago lukete.
Martinez-Losa Calahorrara
Eibarrek jokalari berriari ongietorria eman badio, agurra hartu du Sanseko batek. «Gero arte», hobe esanda, Jorge Martinez-Losa utzita irtengo baita berriro.
Iaz bezela, Calahorran egongo da Arnedoko jokalariaren lekua. Xabi Alonsok taldean aurrelari asko dituela, klubak eta futbolari errioxarrak ontzat eman dute aurten 1. RFEFen jokatuko duen Calahorrak eskaintzen dion aukera.
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)