![Bertol Arrieta idazle zarauztarra. (Andoni CANELLADA/FOKU)](/media/asset_publics/resources/000/830/934/article_main_landscape/Arrieta.jpg)
Elkar argitaletxeak aurkeztu du astearte honetan Bertol Arrietaren lehen nobela, ‘Gezurra berdaderoa’ izenburua duena. Xabier Mendiguren editorearen esanetan, liburu «zirikatzaile eta dibertigarria» da, lehen pertsonan idatzitakoa.
Astearte honetan egindako agerraldi batean, Arrietak azaldu du konfinamenduan idatzitako liburu honen argumentua. Esan duenez, adin ertaineko gizon baten bizitzan oinarrituta dago eleberria.
Egun batetik bestera, 44 urteekin, Koldok guztia galtzen du eta zerotik hasi behar du, pizzak banatzen hasi behar duen lanean eta elkarbanatutako pisu batean bizitzen, eta covid-19aren ondorioz ezarritako konfinamendua pairatzen ere.
Bakarrik egoten etsi ezinik, norbaitekin nahiko luke endredatu, eta dantzan ibiliko da hiru emakumeren bueltan: Nagore bere pisukide eder, gazte eta malenkoniatsua, Frida artista bizizale eta misteriotsua, eta Ester bere betiko neska-lagun amultsu eta zentzuduna.
Arrietak nabarmendu duenez, komedia da, «komedia erotiko samarra». «Umorez egina dagoen liburua da», adierazi du idazle zarauztarrak, liburu honetan behar afektiboaren inguruan sortzen diren frustrazioak aztertu dituenak.
«Erakutsi nahi izan dut gaur egun gizonok daukagun noraeza sentimental, sexual eta existentziala», nabarmendu du eta aitortu du bere helburua ez zela nobela bat idaztea. «Pentsatu nuen ipuin luze bat izan zitekeela, eta nahi gabe luzatu da eta nobela bihurtu da», gaineratu du.
Izan ere Arrietak ‘Txikira beti hordago!’ (2004) eta ‘Alter ero’ (2012) ipuin-bildumak eman ditu argitara.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Indurain-villavesa2](/media/asset_publics/resources/001/136/510/article_thumb_horizontal/indurain-villavesa2.jpg)
Casi todos los incidentes imaginables se suceden en un encierro de la villavesa lento e irreal
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Piratak](/media/asset_publics/resources/001/137/746/article_thumb_horizontal/piratak.jpg)
‘Belak mastara eta euskara plazara’ aldarriarekin ospatuko dute Donostiako Piratek Aste Nagusia
![Atristain](/media/asset_publics/resources/001/134/948/article_thumb_horizontal/Atristain.jpg)