![Lau eta Erdiko Promozioko txapelketan arituko diren zortzi pilotarietatik zazpik hartu dute parte aurkezpenean. (Oskar MATXIN / FOKU)](/media/asset_publics/resources/000/837/120/article_main_landscape/promozioa.jpg)
Behin Lehen Mailako Lau eta Erdikoa martxan dela, astearte goiz honetan aurkeztu dute Promoziokoa. Bertan zortzi pilotari arituko dira ‘kaiolako’ txapelaren bila. Dariok, Egigurenek, Zabalak eta Salaverrik Aspe ordezkatuko dute, eta Zubizarretak, Alberdik, Bakaikoak eta Larrazabalek Baiko.
Zortzi pilotari hauek final-laurdenetako ligaxka jokatuko dute lehenik eta behin, eta hortik lau pilotari onenek finalerdietara egingo dute salto. Finala azaroaren 6an jokatuko dute.
Txapelketa ostiral honetarako Iurretan eta Altsasun antolatu dituzten pilota jaialdietan ekingo diote pilotariek Lau eta Erdiko Promozio Txapelketako lehenengo jardunaldiari. Egiguren V.a-Zubizarreta III.a izango dira aurrez aurre Iurretan, eta Salaberria-Zabala Altsasun.
Larunbatean Bakaikoak eta Alberdik neurtuko dituzte elkarren indarrak Balmasedan. Eta igandean Dariok eta Larrazabalek itxiera emango diote Eibarren aurreneko jardunaldiari.
Iurretako partida horretan iazko finala jokatu eta Elordiren aurka galdu zuen Julen Egiguren arituko da. «Egia da azpitxapelduna naizela, baina lesio batetik nator, oraindik erritmoa hartzea kostatuko zait seguruena. Partidaz partida onena ematen ahaleginduko naiz», adierazi du Aspeko pilotariak gaurko aurkezpenean.
Aurrean Iraitz Zubizarreta izango du. Baikokoak azpimarratu duenez, «Julen hoberena espero dut. Iaz finala jokatu zuen, eta hori zerbaitengatik izaten da. Oso pilotari fina da, oparirik egiten ez duena; beraz, gauzak oso ondo egin beharko ditut».
Bestalde, larunbatean indarrak neurtuko dituzten pilotarien artean, Jon Alberdik Dario ikusten du «besteen gainetik». Izna ere, «udaran, partida guztietan maila ona eman duela ikusi da».
Joanes Bakaikoa, aldiz, berriro «topera» egoten saiatuko da. «Azkeneko bi urteetan, gauza batengatik edo besterengatik ez zaizkit nahi bezala atera, baina aurten ere hemen gaude», azpimarratu du.
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)