Sortuko delegazio bat Antton Troitiñoren hil-kaperan egon da gaur goizean. Kartzelaldi luzeenetako bat izan duen euskal herritarra ostiralean hil zen espetxean egonda diagnostikatu zioten gaixotasun larriaren ondorioz. Hil-kaperaren atarian, Sortuko beste ordezkari batzuekin bertaratu den Arkaitz Rodriguezek, gaurkoa ezker abertzalearentzat «dolu eguna» dela adierazi du.
Que cumplan su ley.
— Arkaitz Rodriguez Torres (@arkarodriguez) December 18, 2021
Presos gravemente enfermos a la calle. pic.twitter.com/HHXrIg8MaA
Bakean eta elkarbizitzan aurrera egin nahi duen euskal gizartean, «gatazkaren biktima berri» bat dagoela nabarmendu du. Azpimarratu duenez, Antton Troitiñoren heriotza gaur egun indarrean dirauen espetxe politikaren ondorioa da.
«Gaur gatazkaren biktima berri bati negar egin beharrean gaude» adierazi du Sortuko idazkari nagusiak kaperaren aurrean. «ETAren biolentzia aspaldi desagertu zen baina espetxe kriminal honek sufrimendua eta heriotza eragiten jarraitzen du», eta baldintza horietan gizarte batek aurrera nekez egin dezakeela aipatu du.
Azken hamarkadetan hainbestetan aipatu den legea betetzearen beharra ere aipatu du, estatuei «behingoz legea bete» eta larriki gaixorik dauden presoak aske uzteaz batera salbuespen neurri guztiak ezaba ditzaten. «Gatazkaren biktima guztiak aitortu eta erreparatzeko garaia da ez sufrimendu eta biktima berriak eragitekoa», adierazi du.
Erantsi duenez, «espetxeak husteko garaia da, ez beteta mantendu eta betetzen segitzeko». Horrekin batera, nabarmendu du Sortuk «bakea eta elkarbizitzarako» duen konpromisoa «atzo baino trinkoagoa» dela.
Fallece Koldo Anza, hermano de Jon Anza y extrabajador de la Real
Gatiburen ‘Azken zoramena’ Gernikan izango da: etxeko giroan, kalean eta ekainaren 7an
«Esto es un mazazo; con 50 años, ¿adónde vas?», el drama de los trabajadores de BSH
Detenido el exjugador del Athletic ‘Txutxi’, condenado por traficar con 950 kilos de cocaína
