![Gizon bat zaborra biltzen Costa del Este hondartzan, Panama Hirian.](/media/asset_publics/resources/000/871/931/article_main_landscape/ozeanoak1.jpg)
«Kutsadura ozeanoetako bazter guztietara iritsi da, lurrazaletik itsas hondora, poloetatik uharte isolatuenetako kostaldera, planktonik ñimiñoenetik balearik handienera», ohartarazi du astearte honetan Naturarako Mundu Funtsa (WWF) erakundeak, NBEren ingurumen batzarretik aste gutxira.
Erakunde horren txostenaren arabera (gaiari buruzko 2.000 ikerketa baino gehiago laburbiltzen ditu), 19 eta 23 milioi hondakin plastiko artean itsasoratuko dira urtero. Hondakin horiek degradatu egiten dira eta partikula ñimiño bihurtzen dira, nanoplastiko bihurtu arte, mikroia (milimetro baten milaren bat) baino neurri txikiagokoak.
Egoera hain da larria, ezen gaur egungo isurketa etengabea etengo balitz ere, mikroplastikoen bolumena bikoiztu egingo litzateke hemendik 2050era, dagoeneko dauden hondakinen ondorioz. Baina kezkagarriena da material plastikoaren uholdea ez dela etengo, plastiko berriaren ekoizpena bikoiztu egingo baita hemendik 2040ra, eta ondorioz ozeanoetako hondakinak hirukoiztu egingo dira.
«Saturazio puntu batera iristen ari gara leku askotan, eta hori mehatxua da espezieentzat ez ezik, ekosistema osoarentzat ere. Sareetan harrapatutako tortugen edo foken irudi txundigarriez haratago, elikadura kate osoa dago arriskuan», azaldu du Eirik Lindebjerg WWFko hondakin plastikoei buruzko ikerketen arduradunak.
2021ean 555 arrain espezieri buruzko ikerketa batek plastikoen aztarnak aurkitu zituen horietako 386tan. Bakailaoaren arrantza aztertu zuten beste zientzialari batzuek Ipar Itsasoko arrainen %30ek urdailean mikroplastikoak zituztela jakin zuten. Gainera, Itsaso Baltikoan harrapatutako sardinzarren %17k mikroplastikoak ere bazituzten barruan.
Ipar Atlantikoan, itsas txorien %74k plastikoa jan zuen. Hawaiiko beste ikerketa batek Pazifikoko eskualde horretako portzentajea %69an kokatu zuen.
«Txosten honekin frogatzen dugu ekosistemek muga bat dutela kutsadura xurgatzeko orduan. Mediterraneoan, Itsaso Horian, Txina ekialdeko Itsasoan (Txina, Taiwan eta Koreako penintsularen artean) eta Artikoko ur izoztuetan, muga hori lortu zen», azaldu du Eirik Lindebjargek.
Konferentzia Nairobin
Nairobin, otsailaren 28tik martxoaren 2ra bitartean, ingurumenaren gaineko konferentzia bat egingo da NBEren egoitzan. «Nazioarteko akordio bat proposatzeko unea da, behar ez ditugun produktu batzuk desagertzea eta nazioarteko ekoizpen eta birziklatze irizpideak ezartzea ekar dezakeena», eskatu du WWF erakundeak.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Vinicio](/media/asset_publics/resources/001/154/378/article_thumb_horizontal/vinicio.jpg)
Movilizaciones y denuncia de negligencia tras la muerte del joven Vinicio Portillo en Donostia
![Palaceta_algorta](/media/asset_publics/resources/001/155/107/article_thumb_horizontal/palaceta_algorta.jpg)
El portavoz del PNV en Getxo ocultó que estaba en el proyecto de lujo que derribó el palacete
![Santutxu](/media/asset_publics/resources/001/155/440/article_thumb_horizontal/santutxu.jpg)
Un hombre mata a Yaneli Gonzales, una mujer de 31 años, en el barrio bilbaino de Santutxu
![Alcde_zaharra](/media/asset_publics/resources/001/155/483/article_thumb_horizontal/ALCDE_ZAHARRA.jpg)