![PCR proba bat Guangxi eskualdean, Txina.](/media/asset_publics/resources/000/872/139/article_main_landscape/pcr_proba.jpg)
Osasunaren Mundu Erakundearen txostenaren arabera, azken astean munduko covid-19 kasuak %17an jaitsi diren arren, gaixotasunak eragindako 68.000 heriotza inguru erregistratu dira. Horrela, pandemia hasi zenetik birusak 5,7 milioi heriotza ekarri ditu.
19 milioi izan dira azken astean antzemandako kasu berriak eta mundu mailan pilatutako kasu positiboak 392 milioi dira. Hala ere, kutsatutako pertsonen kopuru erreala handiagoa da gaixotasuna probarik egin gabe pasatzen duten horiek kontuan hartzen badira.
Ekialdeko Mediterraneoko eskualdeak (Ekialde Ertaina barne) eta Amerika izan dira kasu berrietan igoera handiena jasan dutenak, %36 bietan. Europan, bestalde, igoerarik txikiena antzeman da, %7.
Igoerarik handiena heriotzetan Asiako hego-ekialdean izan da (India barne), %67rainoko igoerarekin. Europan eta Amerikan egonkor mantendu dira eta Afrikan %14 jaitsi dira.
Heriotza kopururik handiena Estatu Batuetan erregistratu da, aurreko astearekiko %15 jaitsi den arren. Jarraian, India, %69ko igoerarekin; Errusian indizea egonkor mantendu zen; Brasilen %39 igo zen, eta Mexikon %48.
Erakundearen azterketa epidemiologikoaren arabera, omikronen aurretik ezagutzen ziren aldaera guztiak jaisten ari dira. Azken hilabetean egindako sekuentzia genetiko guztien %96,7an ikusi daiteke omikron.
Omikronen nagusitasuna mundu mailan igotzen ari den arren, aldaera fase goiztiar batean detektatu zen herrialdeetako batzuk covid kasu berrien guztizko kopurua murrizten ari dira, OMEko adituen arabera.
ACT-Accellerator proiektua
OMEk 16.000 milioi dolar (14 milioi euro) eskatu die herrialde kideei ACT-Accelerator finantzatzeko. Honen helburua diru-sarrera ertain eta txikiak dituzten herrialdeei probak, tratamenduak, txertoak eta babes pertsonaleko ekipamenduak ematea da, pandemia 2022an mundu mailako larrialdi gisa amaitzeko.
Munduko liderrek, erakundeak adierazi duenez, ekintzarako deia egingo dute asteazken honetan, neurri hori iragartzeko. Proiektuaren aurrekontu osoa 23.400 milioi dolarrekoa da (20.486.780 euro), baina herrialde ertainek autofinantzatuko dute guztizko aurrekontuaren eta herrialde aberatsenek ematen dutenaren arteko aldea.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Vinicio](/media/asset_publics/resources/001/154/378/article_thumb_horizontal/vinicio.jpg)
Movilizaciones y denuncia de negligencia tras la muerte del joven Vinicio Portillo en Donostia
![Palaceta_algorta](/media/asset_publics/resources/001/155/107/article_thumb_horizontal/palaceta_algorta.jpg)
El portavoz del PNV en Getxo ocultó que estaba en el proyecto de lujo que derribó el palacete
![Santutxu](/media/asset_publics/resources/001/155/440/article_thumb_horizontal/santutxu.jpg)
Un hombre mata a Yaneli Gonzales, una mujer de 31 años, en el barrio bilbaino de Santutxu
![Alcde_zaharra](/media/asset_publics/resources/001/155/483/article_thumb_horizontal/ALCDE_ZAHARRA.jpg)