Urtero otsailaren 13ko torturaren aurkako egunaren harira, Bilboko Sortuk hainbat ekimen antolatu ditu asteburu honetarako.
Aurreko urtean La Salveko Guardia Zibilaren komisaldegiaren aurrean egin bezala, aurten manifestazioa deitu dute larunbatean, arratsaldeko 18.00etan Plaza Biribiletik Polizia espainiarrak Indautxun duen komisaldegira, ‘Alde hemendik!’ lelopean.
«Indautxukoa Bilbon dugun beste tortura zentro bat izan da urteetan zehar. Bilbotar askok ziega horietatik pasa eta torturak jasan izan ditugu. Ehundaka torturatu izan dira Indautxun, Bizkaiko tortura zentro handiena izan delarik, La Salveren gainetik. Bertan hil zuten Anuk [Xabier Galparsoro], 1993ko irailean», gogoratu du Sortuk.
«Inpunitatea nagusi, torturatzaileek eta torturak ahalbideratzen dituen sistemak bertan jarraitze dutela» salatu nahi du alderdi abertzaleak: «Azken garaian, torturaren negazionismotik torturaren goratze eta aldarrikapenera ere saltoa eman da eta torturatzaileek doluminak jasotzen jarraitzen dute.
Sorturen datuen arabera, azken hamarkadetan Bilbon 570 torturatu izan dira:
Gainera, torturan oinarritutako epaiketa politikoak gauzatzen jarraitzen dutela azpimarratu du. Besteak beste, Nahia Zuriarrain eta Arantza Zulueta bilbotarrak «torturaz zikindutako» 13/13 prozesuan epaituak izan direla gogoratu du, gaur egun espetxe zigor baten mehatxupean daudelarik.
5⃣7⃣0⃣TORTURATU BILBOn
— Sortu Bilbo (@SortuBilbo) February 1, 2022
1⃣5⃣0⃣G.C
3⃣2⃣4⃣P.N.
7⃣1⃣Ertzaintza
2⃣5⃣Beste poliziak
Horietako asko Indautxuko komisaldegian. Bizkaiko tortura zentro handiena. Bertan, Xabier Kalparsoro hil zuten 1993an.
Otsailak 12, 18:00etan, ez dugula ahazten esango diegu.
Alde hemendik! pic.twitter.com/s0WRW8DRLG
Igandean, berriz, tortura tresnekin erakusketa jarriko du Sortuk Uribitarte paseoan.
«Inpunitatearekin bukatzeko eskatzen dugu, aitortza, erreparazioa eta ez errepikatzeko bermeak. Berme eraginkorrena torturatzaileak diren poliziak Bilbotik eta Euskal Herritik alde egitea eta torturak ahalbideratzen dituen sistemarekin bukatzea dela azpimarratuz».
Horretaz gain, Ernai gazte antolakundeak ‘Tortura Euskal Herrian’ dokumentalaren proiekzioa eskainiko du ostegun honetan, otsailak 10, 18.30ean 7Katu Gaztetxean.
Cien años del primer muerto en el recorrido del encierro y algo de porno
Dos bestazales violentamente atacadas por defender a un hombre de una agresión
El ‘número dos’ de la Ertzaintza insulta a una persona que grababa un arresto en Polonia
Traspaso de poderes en el condominio más pequeño del mundo, la Isla de los Faisanes
