![Josu Ginea, aske.](/media/asset_publics/resources/000/888/396/article_main_landscape/ginea.jpeg)
Josu Ginea Sagasti larrabetzuarra etxera itzuli da gaur igandean, 20 urteko espetxealdia amaituta. Basaurin bete ditu zigorraren azken hilabeteak eta bertatik atera da aske, Etxeratetik NAIZi baieztatu diotenez.
2002. urtean atxilotu zuten Josu Ginea Estatu frantsesean, beste sei lagunekin batera, eta bertan kartzelaratu egin zuten. Pariseko auzitegi bereziek ezarritako zigorra bete ostean, 2010. urteko apirilean Espainiaratu egin zuten, Xabier Atristainekin batera (aski ezaguna da azken honen kasua: orduan askatua izan zen eta hortik gutxira atxilotu zuen berriz Guardia Zibilak, Europako Entzutegiak zigortu berri duen auzian).
Josu Gineak etxetik oso urrun bete behar izan du Auzitegi Nazionalak ezarritako kartzelaldiaren zati nagusiena: Almerian hain zuzen ere. Egoera hori salatu egin zuen Larrabetzuko Udalak 2016. urtean, Sarek aurkezturiko mozioa onartuz. Atxilotua izan aurretik bere herriko zinegotzia izana zen Ginea, Euskal Herritarrok ordezkatuz.
2019. urtean Almeriatik Leongo Mansillara lekualdatu zuten, Gobernu espainolak abiatutako euskal presoen hurbiltze prozesuaren barruan. Espetxealdiaren azken hilabete hauek Basaurin bete izan ditu.
44 urte dituela atera da espetxetik Josu Ginea Sagasti.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![0729_eg_freixas(1)](/media/asset_publics/resources/001/141/247/article_thumb_horizontal/0729_eg_Freixas(1).jpg)
Vivir con sentido, clave en un envejecimiento heterogéneo
![Memorial](/media/asset_publics/resources/000/813/339/article_thumb_horizontal/Memorial.jpg)