Zugarramurditik irten zen atzo goizean Ernaik antolatutako ‘BostEHun eta zutik!’ gazte martxa eta, gaua Erratzun pasa ondoren, Elizondora heldu dira gaur arratsaldean. Ibilaldi aldapatsua gainditu eta gero, orain hitzaldi, mahainguru, tailer, ikuskizun eta kontzertuez gozatzeko aukera izango dute gazteek.
Atzo gaueko kontzertuez gozatu eta lo egin ondoren, goizeko 10.00ak aldera hasi dira ibiltzen gazteak giro alaiaz.
Gaurko ibilbidea atzokoa baino suabe samarra izan da, eta arratsaldean Elizondora iritsi dira.
Gazte Martxaren giro ona nabarmendu dute gazteek Elizondora iristean. «Giro oso polita dago eta eguraldiak ere asko laguntzen du», adierazi du partaide batek, gazte gehienen iritzia partekatuz.
16.30ak aldera hasi da egitaraua Elizondon hainbat hitzaldi eta tailerrekin. Besteak beste, Euskal Herriko prozesu independentistaren erronketaz, aliantza feministetaz eta osasun mentalaz hausnartzen aritu dira lehenengo ordu horretan.
Indarrez eta borrokan
— Ernai (@ernaigazte) April 15, 2022
Zutik dago gazteria
Indarrez eta borrokan
Hari kantatzen diogu
Entzun dadila irrintzia
Entzun dadila irrintzia#ZUTIK dago gazteria
❤️ pic.twitter.com/le6rDYNIlL
Ondoren, beste hitzaldi batzuk egon dira: ‘Euskal Herri burujabea eraikitzen’, ‘Abertzaletasuna XXI. Mendean’, ‘ Bollera x trabesti genero disidentziaz’, ‘Mugimendua sortuz hezkuntza eraldatu’, ‘Memoria gazte ahotsez’, ‘Komunikazioa (ez) da bide bakarra’, ‘Euskal Herria ekologistarantz’…
Kontzertuak
Gauean Willis Drummond, Crim, Skakeitan, Kaleko Urdangak, Liher, Rukula, La Furia, Yare Collective, Aiaraldeko Sound System, Dupla, XSakara eta Skabidean taldeak igoko dira oholtzara giroa alaitzeko.
Gune Handia eta Ezker Pareta guneak irekiko dira 19:30ean.
— Ernai (@ernaigazte) April 15, 2022
Atzoko kontzertuen irudiak hemen, gaur gehiago蘭#ZUTIK
Argazki galeria: https://t.co/ZQwNAwu5Zh pic.twitter.com/tjGVONeJCC
Bihar Elizondon izango dira ere, hitzaldi eta mahainguruz gain, 20.30ean ekitaldi politiko nagusia izango da. Ondoren DJ Reimy, Erroka, Madame Birrots, Iheskide, McOnak, Perlata, Tremenda Jauria, Xiberoots, Ibil Bedi, Tribade, Iruñerria Jamaica Clash, Pleura, Marta & Herbass eta Romea alaituko dute gaua.
Pradales invita a Muguruza a un debate «honesto» tras la polémica por su actuación en Martutene
Alex Txikon regresa al Himalaya con el objetivo de hollar la cima del Annapurna en invierno
Asiron confía en alcanzar el máximo consenso en torno a Los Caídos pese a las discrepancias
Suspenden el Maratón de Donostia por las fuertes rachas de viento
