Gobernu espainoleko kide den Unidas Podemosek, EH Bilduk, Kataluniako indar independentistek (ERCk, PDCatek, Juntsek, CUPek), BNGk eta Compromísek bat egin dute Estatuaren estoldak ikertuko lituzkeen batzordea eskatzeko, Diputatuen Kongresuan. EAJk eta Mas Paísek ez dute oraingoan bere egiten.
Antzerako ekimena abiatu zuten duela aste pare bat, Pegasus eskandaluaren harira, baina PSOEk, PPk eta Voxek eragotzi zuten. Europar Legebiltzarrean zein Kataluniako Parlament-ean, ordea, ikerketak abian dira.
Oraingo ekimen honek Kongresuak «Estatu hainbat elementu ofizialen eta sare mediatiko, enpresarial eta parapolizial baten arteko lotura» ikertzea du helburu.
«Interes orokorretik kanpoko interes zikinen zerbitzura dauden estatu-erakundeei erreserbatutako baliabide eta tresnekin» aritzen dela estolda horietan eransten du eskaerak.
Eta, hortik abiatuta, neurri egokiak eskatzen dituzte CNIren eta Barne eta Defentsa Ministerioen prebentzio eta parlamentu-kontrolerako, «etorkizunean espioitza irregularrak» eta «edozein polizia-egitura paralelo sortzea eragozteko».
PSOEren eta Podemosen gobernuari ez dizkiote erantzukizun politikoak eskatzen, baizik eta «Ministerioaren arduradun politikoek hura sortu zenetik izan dituzten trama irregularren ezagutza argitzea».
Fallece Koldo Anza, hermano de Jon Anza y extrabajador de la Real
Gatiburen ‘Azken zoramena’ Gernikan izango da: etxeko giroan, kalean eta ekainaren 7an
«Esto es un mazazo; con 50 años, ¿adónde vas?», el drama de los trabajadores de BSH
Detenido el exjugador del Athletic ‘Txutxi’, condenado por traficar con 950 kilos de cocaína
