![Lanak gogotik egin beharko ditu Ampo Ordiziak finalerdietarako txartela eskuratu nahi badu.](/media/asset_publics/resources/000/899/789/article_main_landscape/Ampo-Ordizia.jpg)
Espainiar estatuko errugbia zarata handia bizitzen ari da azken asteetan –Espaniako selekzioa Mundialetik kanpo utzi dute, Alcobendaseko jokalari baten lerrokatze desegokiaren ondorioz–, baina ekaitza eta haizeteak alde batera utzi eta Ohorezko Maila denboraldiko egun garrantzitsuekin hasiko da asteburu honetan. Liga titulua lortzeko play offak hemen dira, eta euskal talde baten presentzia izango dute final-laurdenetako kanporaketek: Ampo Ordizia.
Goierritarrek Ciencias Enerside jasoko dute igande honetan Altamiran (12.00) eta partida honetako garailea, printzipioz, lehen fasean sailkatutako onenaren zelaian lehiatuko da, Silverstorm El Salvador edo Recoletas Burgos.
Iñigo Marotias entrenatzaileak ohartarazi duenez, 2022an partida bakarra galdu duen talde bat izango dute aurrean. Sevillako taldea asko indartu da bere 50. urteurrenerako eta liga erregularra ondoen amaitu duen taldeetako bat izan da.
Bere jokalarien artean nabarmentzekoak dira Cormac Fox irekitzaile irlandarra, lehen faseko ostikatzailerik onena 167 punturekin, Terry Bouhraoua frantziar internazionala edo Axel Papa eta Juan Dominguez kapitaina. Manuel Mazok zuzentzen due taldeak federazioaren erabakiaren zain daude, talde madrildarraren inguruan, izan ere, oraindik jokatu ahal izango lukete Cartujan jokatuko litzatekeen finala.
Denboraldi honetan elkarren kontra jokatutako partidetan talde bakoitzak bere zelaian jokatutakoa irabaztea lortu duenez, Goierriko taldeak dinamika horrekin jarraitzea eta kantxa faktoreak horrela jarraitzea espero du. Hori bai, «hemen majo kostatu zitzaigun berarei garaitzea», azpimarratu du Ordiziako entrenatzaileak.
Denboraldiko hil ala biziko partida honetarako, Iñigo Marotiasek zuzentzen dituenak jokalari garrantzitsuak berreskuratu ahal izan ditu eskema ordiziarrean. Hala nola, Valentin Cruz eta Julen Goia kapitaina eta beste asko egoera ezinhobean iritsi dira, eta kilate askoko neurketa aurreikusten da.
«Urte guztian egindako lanari esker, partida handi bat zuekin hemen etxean izateko aukera izango dugu asteburu honetan. Taldeak lan asko egin du azkeneko asteetan, prestatuta iristen garela sentitzen dugu eta etxean jokatzeko partida honetan, etortzen zareten guztiei espektakulu handi bat ematen saiatuko gara», adierazi die zaleei Marotias prestatzaileak.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)