![Ezker-eskuin, Julian Rios, Durangoko alkate-ordea; Nerea Mujika, Gerediaga elkarteko lehendakaria eta Ima Garrastatxu alkatea, osteguneko aurkezpenean.](/media/asset_publics/resources/000/905/382/article_main_landscape/SormenBekaPrents.jpg)
Gerediaga Elkarteak eta Durangoko Udalak bosgarren urtez abian jarri duten Durangoko Azokaren baitako Sormen beka aurkeztu dute ostegunean. Egitasmoaren helburua euskarazko sorkuntza sustatzea eta sortzaile berriei bidea erraztuz euren lana ezagutzera ematea da.
2022an, arte eszenikoen arloko pieza laburreko proiektu proposamen bat sarituko da. Beraz, antzerki, zirku, dantza, performance, magia… diziplinetako proiektuak edo beste kultur diziplina batekin uztartutako proiektuak aintzat hartuko direla azpimarratu dute.
Sortzaile berriaren definiziorako, aurkezten duen proiektua zirkuitu profesionalean bere lehen edo bigarren lana izatea hartuko da kontuan. Durangoko Azokako Szenatokia guneak 2019ko edizioan, euskarazko arte eszenikoen pieza laburren egitaraua eskaini zuen. Hurrengo edizioetan formatua errepikatzea izan zen asmoa, baina pandemia egoerara egokitu beharrak ez zuen egingarri egin.
Szenatokiko eskaintza nagusia izatea da deialdi berriaren helburua. Aurreko lau edizioetan, literatura, musika, ikus-entzunezko eta proiektu digitalak saritu dira. Hain zuzen re, 2018an, ATOPIArpg euskarazko rol jokoa (literatura); 2019an, Kai Nakai. Iratxe Agileraren lehenengo lana (musika); 2020an, ‘Bañolet’, lau ataletako telesaila (ikus-entzunezkoa) eta 2021an, ‘Barraka’ bideo-jokoa (57. Durangoko Azokan estreinatuko dena) saritu zituzten.
Bekaren oinarriak, informazio gehigarria eta formularioak honako esteka honetan dago eskuragarri: www.durangokoazoka.eus
Beka sortzaile berriei bideratuta dago, hau da, aurkezten den proiektua zirkuitu profesionalean bere lehen edo bigarren lana behar du izan. 18 urtetik gorakoei dago zuzenduta eta bekaren zenbatekoa, 15.000 euro.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Naizxalbador](/media/asset_publics/resources/001/135/773/article_thumb_horizontal/NAIZxalbador.jpg)
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
![Encierro4](/media/asset_publics/resources/001/136/243/article_thumb_horizontal/encierro4.jpg)
Casi cuatro toneladas de Miura y dos tremendas embestidas en Mercaderes y la curva
![Indurain-villavesa2](/media/asset_publics/resources/001/136/510/article_thumb_horizontal/indurain-villavesa2.jpg)
Casi todos los incidentes imaginables se suceden en un encierro de la villavesa lento e irreal
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)