![Iruñeko Jaso ikastolaren ‘Ximur’ musikalak jaso du Alzheimer Sozial 2021 saria.](/media/asset_publics/resources/000/906/974/article_main_landscape/image0.jpeg)
Iruñeko Jaso ikastolako ikasleen musikalak Espainiako Neurologia Elkarteak (SEN) ematen duen Alzheimer saria jaso du, bere kategoria sozialean, iaz eszenara eraman zuen eta gaixotasun horri eta adinekoei bereziki eskaini zien ‘Ximur’ ikuskizunagatik.
Sariaren bitartez, musikalaren «proposamen artistiko eta hezitzailearen originaltasuna» aitortu nahi izan dituzte, «bai eta ikasleei zuzendutako dementzien ezagutzari eta prebentzioari lotutako irakaskuntza-proiektua ere».
Sari banaketa guar bertan egin da, Bartzelonako Santa Creu i Sant Pau Ospitaleko Esparru Modernistan, eta, kategoria zientifikoan, Marc Suárez Calvet ikertzaileak jaso du Alzheimer saria, gaixotasun neurologikoei buruzko beste sari batzuen artean. Jaso Ikastolaren saria Imanol Janices eta Irantzu Zabalza musikalaren zuzendariek jaso dute, eta «esker ona» adierazi dute «SEN bezalako ospe zientifikoa duen erakunde batek, eskola-talde honek sormenaren eta lan kooperatiboaren bidez, haien aitona-amonen belaunaldiko pertsona askok bizi duten errealitatera hurbildu, enpatizatu eta sentsibilizatu nahi izanagatik, bai eta ekimenaren sormena eta konpromisoa aitortu nahi izateagatik».
Orain arte Jaso ikastolaren musikalak antzeztu dituen hamar edizioetako bakoitza gizarte gai jakin bateko balioei eskainita egon da. Gai horiek, aldez aurretik, ikuskizunaren diseinuan, interpretazioan, ekoizpenean eta sustapenean parte hartzen duten DBHko ikasleek beraiek eztabaidatu eta aukeratzen dituzte. Gaur egun eszenaratzen ari den ‘Sutan’ ikuskizuna feminismoari eta lan eremuko berdintasunari eskainita dago.
Hezkuntza-programa baten emaitza
Ikatolak ohar baten bidez nabarmendu duenez, musikalak egiteko proiektua «sormeneko, ekintzailetzako, lan kooperatiboko eta autokudeaketako hezkuntza programa baten emaitza da, STEAM metodologian oinarritua (Zientzia, Teknologia, Ingeniaritza, Artea eta Matematika)».
DBHko 50 bat ikaslek, 12 eta 16 urte bitartekoak, ikastetxeko irakasleek, gurasoek eta Imanol Janices (Gorputz Hezkuntzako irakaslea), Irantzu Zabaltza (Lehen Hezkuntzako tutorea), zuzendariek egindako lanaren laguntzaz, beren sorkuntza proiektu honetan parte hartzen dute. «Gaitasunetan heztea, adimen emozionala garatzea, asmamena eta sormena sustatzea, eskolako bizikidetza edo euskararen erabilera kurrikulumetik kanpo sustatzea» nabarmendu dituzte helburu gisa.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![0811_eh_pavel](/media/asset_publics/resources/001/145/092/article_thumb_horizontal/0811_eh_pavel.jpg)
Polonia mantiene abierta la investigación contra Pablo González y podría juzgarlo en rebeldía
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)