![Jon Bagües, saria heltzen, egin zaion omenaldian.](/media/asset_publics/resources/000/910/481/article_main_landscape/JON.jpg)
Musika eta kultura arloetako ordezkaritza zabal batek eta euskal erakunde publikoek babesa eman diote astelehenean Jon Bagüés Erriondori. Musikologo, artxibozain eta dokumentalistak jaso du bere jaioterria den Errenterian Eusko Ikaskuntzaren 2021eko Manuel Lekuona Saria.
Sarituaz gain, Gipuzkoako ahaldun nagusi Markel Olanok, Eusko Ikaskuntzako lehendakari Ana Urkizak eta Etxepare Institutuko eta epaimahai instituzionaleko bozeramaile Garbiñe Iztuetak parte hartu dute banaketa-ekitaldian.
Azken horrek nabarmendu du Jon Bagüések euskal musika-ondareari egin dion ekarpena, hainbat alderditatik eta lau hamarkada baino gehiagotan zehar: euskal musika kontserbatu, berreskuratu, ikertu eta zabaltzea; lanean ari diren konpositoreei laguntzea; azterketa- eta interpretazio-erakundeak sortzea; Eresbil-Musikaren Euskal Artxibotik eta Errenteriako Musikaren Astearen antolakuntzan egindako lan emankorra ahaztu gabe.
Ana Urkizak gogora ekarri ditu Jon Bagüésen hastapenak, bai eta haren «aparteko gaitasunek» José Luis Ansorena Mirandaren arreta piztu zutela. Eresbil osatzen ari zen orduan, eta Bagüés izango zen haren lehen artxibozain nagusia eta, ondoren, zuzendaria hogei urtez.
Era berean, Eusko Ikaskuntzako lehendakariak azpimarratu du 1978an erakundea berrezarri zenetik, Eusko Ikaskuntzak Bagüés bazkide aktibo eta konprometitu gisa edukitzeagatik izan duen pribilegioa.
Remigio Mendibururen eskultura jaso ondoren (Manuel Lekuona 2021 saria), Jon Bagüések eskertu egin du profesional gisa eta musika artearen aktibista sutsu gisa egindako ibilbide oparoa goratzen duen saria.
Amaitzeko, lau ideia nabarmendu ditu: Euskal Herriko etorkizuneko ondarea eraikitzen dutenen sormen-lana arte guztietan; dokumentu-ondare analogikoa babesten jarraitzeko beharra; musika-munduko hainbat jenderen eta lagunen zorion eta afektu mezuak jaso dira bideo baten bidez.
Gipuzkoako diputatu nagusi Markel Olanoren hitzaldiak amaiera eman dio ekitaldiari. Jon Bagüesen ibilbide profesional eta konpromiso pertsonal «emankorra» nabarmendu du, euskal musikaren inguruko ondarearen eta ikerketaren alde egindako arnas luzeko ahalegina.
«Gure kultura eta hizkuntza garatzen jarraitzeko izugarrizko ekarpena da, ezinbestekoa, gaur egungo eta etorkizuneko sortzaileek iturri zaharretik ur berria edaten jarraitu dezaten», adierazi du.
Ongietorria eta agurra Peñaflorida Kaperaren esku egon dira. Kapera hori Bagüések berak sortu zuen 1985ean, antzinako musika ikertzeko eta zabaltzeko. Manu Sagastumeren zuzendaritzapean, Peñafloridako kondearen piezak interpretatu ditu.
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)