![Alarcon, Montes eta Arroyuelo, astelehen honetan eskainitako prentsaurrekoan.](/media/asset_publics/resources/000/912/517/article_main_landscape/behatokia-lgtb.jpeg)
Euskal LGTBI+ Behatokiak Gasteizko Legebiltzarreko taldeei eta EAEn erregistratutako LGTBI+ elkarte guztiei proposatu die lan mahai bat eratzea autonomia erkidego mailan LGTBI+ kolektiboaren eskubideak bermatuko dituen lege integral bat sortzeko.
Hala aldarrikatu dute Bilboko La Bolsa eraikinean eskainitako prentsaurrekoan Behatokiaren batzordekidea den Olga Alarconek, Sarai Montes elkarteen federazio presidenteak eta Oscar Arroyuelo idazkariak. Erakundeak lehen urteurrena beteko du astearte honetan, ekainaren 28an, Harrotasunaren Nazioarteko Egunean.
Alarconek eta Montesek lortutako «lorpen garrantzitsu batzuk» ospatu dituzte, hala nola «hemen eta orain ez gaituztela kartzeletan edo psikiatrikoetan sartzen» edo EAEn 2012an onartu zen gaur egun erreforma bidean dagoen 14/2012 Legea, transexualak genero identitateagatik ez baztertzeari eta haien eskubideak aitortzeari buruzkoa.
Dena den, deitoratu dute Estatuko leku askotan, baita EAEn ere, «legezkoa dela Sexu Orientazioa eta Genero Identitatea edo Adierazpena Aldatzeko Ahaleginak egitea», eta gorroto diskurtsoak eta gorroto delituak ugaritu egin direla. Hain zuzen ere, gogoratu dute azken urtean beren historiako «gertaera larrienetako bat» bizi izan dela, Bilbon gertatutako lau gizon gay edo bisexualen heriotzekin, nahiz eta «oraindik kopurua zehazteko dagoen».
Horregatik guztiagatik, «euskal LGTBI+ lege integral bat» eskatu dute Behatokiaren ordezkariek. Azaldu dutenaren arabera, espainiar Estatuko erkidego guztietan, 2014tik aurrera, «LGTBI+ elkarteek eta kasuan kasuko erakunde legegileetan ordezkaritza duten alderdi politikoek elkarrekin lan egin dute, eta elkarri entzun diote» eta LGTBI+ kolektiboa ez diskriminatzeko legedia autonomikoak eta lege proiektuak aurkeztu dira. «Euskal Autonomia Erkidegoa da salbuespen bakarra, Ceuta eta Melilla hiri autonomikoekin batera», salatu dute.
«Hori ez da euskal gizartea eta ordezkari politikoak harro sentiarazteko modukoa. Korronte aurrerakoienetik, modernoenetik eta protekzionistenetik urruntzen gaitu horrek eta, zalantzarik gabe, korronte atzerakoi, zahar eta beste alde batera begiratzen duenera hurbiltzen gaitu», baloratu du Alarconek.
Egoera hori konpontzeko, Euskal LGTBI+ Behatokiak Lege Integralaren proposamen nagusiak aurkeztu ditu dokumentu batean. Honetan, hezkuntza, lana eta gizarte erantzukizuna; osasuna; gizarte gaiak; nazioarteko babesa, migrazioak eta nazioarteko lankidetza; kultura; kirola; memoria historikoa; hedabideak edo Administrazio publikoa gaiak jasotzen ditu, besteak beste.
Behatokitik landutako testuak oinarri moduan eskaini dituzte lan mahai bateratu bat eratzeko Gasteizko Legebiltzarreko taldeekin eta EAEn erregistratutako LGTBI+ elkarte guztiekin. «Uste osoa dugu ezin dugula zain egon Madrilen gertatzen denaren mende, ezta Estatu mailan onartzen diren legeen mende ere, gure lurraldean maila horretan sozialki aurrera egiteko», nabarmendu dute.
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)