Irailaren 29an, ostegunarekin, ELB sindikatuak eta Lurzaindia elkarteak jakinarazi dutenez Arbonako Berroeta bidean laborantza lurren 12 hektareak jabetza huts gisa salgai jarri dituztela, hektareako prezio bikoitzean.
Ezohiko dispositibo hori baliatu dute laborantza lurren zaintzeko ardura duen Safer egiturak lehentasunez erosteko duen eskubidea bertan behera uzteko.
Akordio horren arabera, «Ipar Euskal Herrian bizi den eta laborantzan jarduten duen emazte laborariak» ezingo ditu lurrak laborantzarako erabili, Yves Borotra jabearena izanen baita usufruktua edo ondasunaren gozamena.
ELB eta Lurzaindiako kideek ezohiko molde hori baliatu izana salatu dute, baita salerosketaren prezioa ere.
«Pertsona batek lur horiek 200.000 euroren truke erosi nahi ditu, hau da, hektareako 17.000 euro baino gutiagoan», zehaztu zuten kontratua kudeatu duen notarioaren bulegoan sartuz.
Militanteak Baionako Aritxage etorbidean den Miguel Harriague notarioaren bulegoa okupatu dute ordu laurden bat iraun duen ekintza horren bidez.
Notarioaren erantzuna
«Badakizu zertan parte hartzen duzun?», galdegin diote notarioari. Azken honek erantzun duenez, berari ez dagokio ez moralaren eremuan jokatzea ezta legearen mamia epaitzea ere. Gaineratu duenez, «zerbait gaizki egina bada, dagokionari galdetu behar zaio berriz egin dezan».
«Guretzat prezio arrunt espekulatiboa da, eta erreferentzia bilakatuko da inguruko laborantzarako», deitoratu zuen, bere aldetik, salmenta horren karietara ekintzan parte hartu zuen Johanne Foirien Lurzaindia elkarteko kideak.
Berroetako bidean okupazioa burutu zuten elkarteko ordezkariek nabarmendu dutenez, lurra salgai den prezioa orain artekoaren bikoitza da.
Salmenta hori muntaia finantzario bat dela ageria jarri zuten ekintza horren bidez ELBk eta Lurzaindiak. «Gure ustez, leiho ttipi bat erabiltzen da, legezkoa dena, baina Saferren lehentasunez erostea saihestea bilatzen duena», gehitu du ELB sindikatuko Maritxu Lopepek.
Oroitzearren, joan zen abuztuan ELBk eta Lurzaindiak salatu zuten jabetzako etxea eta ondoko beste lau lur hektareak 3 milioi eurotan salgai eman zituztela eta eroslea Parisko bikote bat litzatekeela.
Pradales invita a Muguruza a un debate «honesto» tras la polémica por su actuación en Martutene
Alex Txikon regresa al Himalaya con el objetivo de hollar la cima del Annapurna en invierno
Asiron confía en alcanzar el máximo consenso en torno a Los Caídos pese a las discrepancias
Modifican el memorial de Bilbo para denunciar que Cabacas fue «asesinado por la Ertzaintza»
