Borja Lazaro 2014an Kolonbiako La Guajiran desagertu zen gasteiztarraren familiak eta lagunek kontzertu bat antolatu dute kasua ez ahazteko eskatzeko. 34 urteko informatikako ingeniaria zen Lazaro, eta 2014ko urtarrilaren 7tik 8rako gauean ikusi zuten azkenekoz El Cabo de la Velako (La Guajira, Kolonbia) ostatu batean. Argazki erreportaje bat egiten ari zen.

Desagertu aurreko orduak trago batzuk hartzen eman zituen turista talde baten ondoan. Haren gauzak, besteak beste, argazki-kamera eta pasaportea, ostatu hartzen zuen establezimenduan aurkitu zituzten. Ordutik, Kolonbiako Poliziak hainbat hipotesi aztertu ditu, baina oraindik ez da lortu Lazaro aurkitzea.

Desagerpenaren bederatzigarren urteurrenean, Lazaroren familiak eta lagunek kontzertu bat antolatu dute Gasteizko taberna batean.

Haren ingurukoek gogorarazi dute ikerketak ez duela aurrerapenik eman. Hala ere, familiak ziurtatu du ez duela itxaropena galtzen 2014ko urtarrilaren 7tik 8rako gauean zer gertatu zen jakiteko.

Gorka Urtaran Gasteizko alkateak Lazaroren familiari babesa, elkartasuna eta hurbiltasuna adierazi dio ohar batean. Gainera, gazte gasteiztarra non dagoen jakiteko kudeaketak ez gelditzeko eskatu du.