![Oñatiko parke eolikoaren artxiboko irudia.](/media/asset_publics/resources/000/969/708/article_main_landscape/0130_eg_Eolicas1.jpg)
Martxoaren 18an, larunbatarekin, manifestazioa deitu dute Sañu Bizirik eta Oletan ere Ez! herri plataformek ‘Mendietan zentral eolikorik ez!’ leloarekin. 19.00etan hasiko da martxa Azpeitiko herriko plazatik.
Azpeitia, Zestoa eta Errezilen arteko Sañoa mendian eta Zumarraga eta Azpeitia arteko Oleta-Samiño-Izaspi mendilerroan Statkraft eta Capital Energy enpresek eraiki nahi dituzten zentral eolikoen proiektuak bertan behera utz daitezela eskatzeko deitu dute aipatu taldeek manifestazioa, ohar baten bitartez agertzera eman dutenez.
«Azken aldian trantsizio energetikoaren izenean bultzatzen ari diren zentral eoliko eta energia berriztagarrien makroproiektu mordoaren ondorioz, mendien eta landa eremuen industrializazioa, biodibertsitatearen galera, paisaia eta kultura-ondarearen gaineko kalte larriak eragingo dira», ohartarazi dute.
Sañu Bizirik eta Oletan ere Ez! plataformen arabera, Sañoa eta Oletako egitasmo eolikoak «energia-enpresei mesede egiten dien egungo sistema energetiko harraparia iraunaraztera bideratuta» daude. «Horren aurrean, energia berriztagarriak eredu deszentralizatu eta komunitario batean oinarrituta, azpiegitura handiak saihestuta eta energia kontsumoa nabarmen gutxituta sustatu behar dira», aldarrikatu dute.
![Bidasoa-irla](/media/asset_publics/resources/001/142/169/article_thumb_horizontal/bidasoa-irla.jpg)
Traspaso de poderes en el condominio más pequeño del mundo, la Isla de los Faisanes
![Putin](/media/asset_publics/resources/001/142/722/article_thumb_horizontal/putin.jpg)
Pablo González, libre tras dos años y medio sin pruebas en contra ni juicio
![Palestinarrak-paris](/media/asset_publics/resources/001/142/420/article_thumb_horizontal/palestinarrak-paris.jpg)
Electos de Maule ceden parte de su asignación para apoyar a los atletas olímpicos palestinos
![Lizarra](/media/asset_publics/resources/001/142/865/article_thumb_horizontal/lizarra.jpg)
La fiesta en Lizarra arranca con represión a un cantante, cohete dividido y Bajadica suspendida
![Policia](/media/asset_publics/resources/001/142/734/article_thumb_horizontal/policia.jpg)