Goizeko hamarrak aldera iritsi ziren Euskal Herriko hamaika txokoetatik autobusak, eta akanpalekua egokitzera joan ziren. Ordu batean egin zuten harrera ekitaldia, Elorrioko herriko plazan.
«21 urteren ondoren berriro ere Elorrion elkartu gara, bizitzeko modu honen alde gaudela erakusteko, amesten dugun Euskal Herri aske, sozialista eta feminista posible dela erakusteko», adierazi zuten Ernaiko kideek.
Harrera ekitaldia eta gero, 14.30ean hasi ziren Gazte Topaguneko lehenengo eguneko hitzaldiak eta tailerrak. Borroka ‘Feminista dena aldatzeko’ hitzaldia izan zen NAIZ gunean egindako lehenengoa. Oihana Etxebarrieta, Naia Torrealdai, Maddi Isasi eta Kizkitza Gil de San Vicente izan ziren hizlariak, euskal feminismoaren genealogia, definizioa, askapen prozesuarekin edota burujabetza prozesuarekin batera egungo erronkak zeintzuk diren azaltzen ahalegindu ziren..
Eta Arriola antzokian bildu ziren Euskal Herriko, Herrialde Katalanetako eta Galiziako gazteak. Ernaiko, Iscako eta Arraneko ordezkariek hitza hartu zuten, eta bakoitzak bere herrialdetik baina elkarren indarrak batzearen bideaz jardun zuten.
Kale animazioek eta kontzertuek eman zioten segida egunari, eta gaur ere egitarau zabala izango da Elorrion. Egunaren ardatza 10. urteurrena izango da.
Milaka gazteek eman diote hasiera Gazte Topaguneari
Elorriok beso zabalik hartu ditu milaka gazte independentista Topagunean
«Euforia eta gogoa» nagusi, 5.000 lagun batu dituen Gazte Topagunean
Gazte Topagunearen bigarren egunaren laburpena, bideoan
Hamar urteko ibilbidea goraipatu eta aurrera begira jarri da Ernai Gazte Topagunean
Un perfil que vincula solidaridad con inseguridad, ¿quién está tras la concentración de Egia?
«Urteak daramatzat etxean lan onak egiten, eta plazan erakutsi nahi nuen noizbait behintzat»
Más de 60 bomberos vascos parten «por fin» hacia València
Gritos de «fuera» y barro contra la comitiva encabezada por el rey español en Paiporta
