![Suhiltzaileen protesta LEP bateratuaren aurka, Bilbon.](/media/asset_publics/resources/001/004/224/article_main_landscape/suhiltzaileak.jpg)
2022ko Araba eta Gipuzkoako suhiltzaile oposiziorako hautagai batzuek azterketa psikoteknikoa ezin izan zutela euskaraz egin salatu du ELA sindikatuak. Dioenez, Arkautiko azterlariek ez zieten aukerarik eman hala eskatu zuten arren.
Sindikatuak ohar batean azaldu duenez, hautagaietako batek posta elektronikoz idatzi zuen azterketaren atal teorikoa gazteleraz eta psikoteknikoa euskaraz egiteko aukerarik egongo ote zen galdetzeko. Baiezko erantzuna eman zion epaimahai kalifikatzaileak baina azterketa egunean ez zioten aukera hori eman, ariketa batzuk gaztelania hutsean besterik ez zeudelako.
Pertsona horrek erreklamazioak egin ditu, hori izan baitzen eman zioten irtenbide bakarra, baina atzera bota dizkiotela dio ELAk.
«Ikasketa prozesu luzea eta gero, hautaketa froga bat gaztelaniaz egin behar izateak hautagaiei zailtasun gehigarri bat suposatzen die eta, gainera, azterketa psikoteknikoa bere ama-hizkuntzan egitea debekatu zieten azterketa hori euskaraz egiteko prozedura homologaturik ez dutelako», diote sindikatutik.
Egoeraren aurrean, salaketa juridikoaz gain, hautagaiek Arartekoari kexa helarazi zioten eta honek arrazoia eman die: beste hainbat urraketarekin batera, suhiltzaileen oposizio bateratuan hizkuntza eskubideak ere zanpatuak izan ziren.
Hizkuntza eskubideen «urraketa larria» delako, ELAk Arkautiko Akademiari exijitzen dio azterketako atal hori baliogabetu eta kalifikazioa moldatuz edo froga psikoteknikoa eskatutako hizkuntzan errepikatzea euskaraz egitea eskatu zuten hautagai guztiei.
![Ertzaintza](/media/asset_publics/resources/001/144/022/article_thumb_horizontal/ertzaintza.jpg)
Detenido un ertzaina por disparar a tres presuntos ladrones en Trebiñu y dar una versión falsa
![Txosnak](/media/asset_publics/resources/001/144/736/article_thumb_horizontal/Txosnak.jpg)
La Diputación abre expediente sancionador a txosnas de Gasteiz por no aplicar el TicketBai
![Perseidak_naiz](/media/asset_publics/resources/001/145/029/article_thumb_horizontal/Perseidak_Naiz.jpg)
¿Cómo ver las Perseidas? La lluvia de estrellas que no te puedes perder
![Perona](/media/asset_publics/resources/001/144/802/article_thumb_horizontal/perona.jpg)
Orio despide a Jokin Perona en un emotivo funeral
![Pavel](/media/asset_publics/resources/001/145/045/article_thumb_horizontal/pavel.jpg)