![Gotzon Martinek zazpigarren denboraldia beteko du Euskaltel-Euskadi taldean.](/media/asset_publics/resources/001/028/104/article_main_landscape/gotzonMartin.jpg)
Pausoz pauso, txirrindulari bizkaitarra hazi egin da profesionaletan, eta talde laranjaren «ezinbesteko taldekidea» da Itzulia edo Espainiako Itzulia bezalako hitzordu handietan. 2023an, Andaluziako Itzulian Mendiko Saria irabazi zuen eta udaberriko Frantziako klasikoetan bikain aritu zen. Mikel Bizkarra eta Mikel Iturria taldekideekin bat egingo du berriro ere hurrengo urtean.
Gotzon Martinek adierazi duenez, «pozik nago beste denboraldi bat jarraitzeaz. Urtez urte pausoak eman ditut, eta uste dut mailan sendotuta nagoela. Taldeari ahal dudan guztia eman nahi diot eta datozen gazteei erakutsi. Ni gazte bezala sartu nintzen eta niri irakatsi zidaten, eta orain nik eskarmentua dut. Gogotsu nago aurten, eta datorren urtean berriro Vueltan egotea eta hazten jarraitzeko mailako egutegia izatea espero dut».
«Irabaztea oso zaila da eta ni Mallorka, Valentzia, Andaluzia, Itzulia, Eslovenia, Burgos probetan lehiatu naiz. Baina aukerak badaude, esaterako Portugalgo Itzulian, taldeak bi garaipen lortu ditu. Beraz, lasterketa batzuetan burua azaltzeko aukera gehiago dugu, eta beste batzuetan, berriz, erritmoa eta maila hartzea da gakoa aprobetxatzeko aukerak dituzunean. Gainera, Azanzak oso ondo ezagutzen nau, nik ere bai bera, eta horrek lagundu egiten du lasterketan konfiantza ematen didalako», gehitu du txirrindulariak.
Martinen txirrindularitza ibilbidea Euskadi Fundazioarekin lotuta dago Gela Pedagogikoa eskoletatik, ondoren Ugaon eman zituek urteak kadeteetan eta juniorrean. 2015etik 2017ra itzuli zen amateur izateko Euskadi-EDP Fundazioan, eta 2018tik egitura profesionalean lehiatzen da. Beraz, berrituta, hamarkada bat beteko du 2024an, proiektuari eta Azanzari lotuta.
Jorge Azanza Euskaltel-Euskadiko kirol arduradunak azaldu duenez, «Gotzon Fundazioaren ikurra da: urte asko eman ditu egituran, urratsak eman ditu, eta orain maila garrantzitsua du. Gurekin aritzea beste urte batez nabarmentzekoa da, gurekin urratsak ematen dituzten txirrindulariek gure alde apustua egitea eta hemen hazten jarraitzea txalotzekoa da».
«Taldean duen konfiantza eta guk daukaguna erakusten du horrek. Dagoeneko esperientzia bat duen txirrindularia da, maila bat du, eta erakutsi du irabazteko lehian egon daitekeela lasterketa batzuetan, gertu. Datorren urtean Gotzonen eta taldeko beste txirrindulari batzuen kasua izatea espero dut, besoak altxatzeko pauso hori emateko», azpimarratu du.
Euskaltel-Euskadi taldeak hamaika txirrindulari dauzka lotuta dagoeneko hurrengo denboraldirako. Orain dela egun batzuk Victor de la Parteren fitxaketa iragarri zuen eta Laboral Kutxa taldetik Nicolas Alustiza, Iker Mintegi eta Unai Zubeldia igoko dira. Aldi berean, Enekoitz Azparren, Xabier Berasategi, Mikel Bizkarra, Mikel Iturria, Txomin Juaristi eta Andoni López de Abetxukok taldean jarraituko dute.
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)