![Burujabetzak jardunaldien lehenengo eguna izan da Hernanin.](/media/asset_publics/resources/001/043/956/article_main_landscape/photo_5875397373121904346_y.jpg)
Udalgintza eta herrigintza esperientzia eraldatzaileak partekatzea helburu duten ‘Burujabetzak‘ jardunaldien hiru egunetako lehenengoa izan da osteguna, Hernanin, bertako Udalak, Hernani Burujabek eta Udalbiltzak antolatuta.
Xabier Lertxundi Hernaniko alkateak eta Itsaso Lekuona zinegotziak hartu dute hitza irekiera-ekitaldian. Lekuonak Hernani Burujabe proiektuaren nondik norakoak jakinarazi ditu, «hiru erpin» dituela esanez, «herritarra, publikoa eta ekonomikoa». «Egungo eredu sozio-ekonomikoaren aternatiba» gisa definitzen dute. Haritz Alberdi Udalbiltzako lehendakariari erakunde horren ibilbidearen errepasoa egitea egokitu zaio
Ondoren, Laia Forne, Kataluniako La Hidra coooperativa-ko kideak, «konfidantza, aitortza, erantzukidetasuna eta gardentasuna» aipatu ditu prozesu parte-hartzaile komunitarioen ardatz gisa eta Bartzelonan nahiz Generalitatean gobernantza publiko-komunitarioa gauzatzeko erabili dituzten pare bat formula aipatu ditu.
EHUko GEZKI institutuko Aitor Goikoetxea herri kooperatiben formulaz aritu da eta publiko-pribatu eredu bitarra hausteko beharra mahaigaineratu du. «Publiko-pribatu eredu bitar horretan, zer gertatzen da jabego komunitarioarekin? Eredu hori gainditu beharra daukagu: Pribatua, publikoa eta komunitarioa». «Lankidetza publiko-komunitarioa, kooperatiben bitartez, ez da pribatizazioa, demokratizazioa baizik», gaineratu du.
LKS Next aholkularitzatik, Eneko Anzuolak egungo legedian sakondu du eta aukera ezberdinak aipatu ditu. Bere ustez, «kooperatibak forma baliodun eta egokiak dira zerbitzu publikoak garatzeko eta hobetzeko eta erakunde publikoek kooperatiba horietako bazkideak izan daitezke».
Arratsaldeko saioan, dimentsio eta ikuspegi ezberdinetatik burujabetza(k) egungo testuinguruan zergatik aldarrikatu hausnartuko dute Jule Goikoetxea filosofo politiko eta irakasleak, Mireia Vehí CUPeko diputatu ohiak eta Glenna del Vallek, Venezuelako kontsul nagusia Bilbon.
![Ertzaintza](/media/asset_publics/resources/001/144/022/article_thumb_horizontal/ertzaintza.jpg)
Detenido un ertzaina por disparar a tres presuntos ladrones en Trebiñu y dar una versión falsa
![Txosnak](/media/asset_publics/resources/001/144/736/article_thumb_horizontal/Txosnak.jpg)
La Diputación abre expediente sancionador a txosnas de Gasteiz por no aplicar el TicketBai
![Perseidak_naiz](/media/asset_publics/resources/001/145/029/article_thumb_horizontal/Perseidak_Naiz.jpg)
¿Cómo ver las Perseidas? La lluvia de estrellas que no te puedes perder
![Perona](/media/asset_publics/resources/001/144/802/article_thumb_horizontal/perona.jpg)
Orio despide a Jokin Perona en un emotivo funeral
![Pavel](/media/asset_publics/resources/001/145/045/article_thumb_horizontal/pavel.jpg)