![UNEDen Iruñeko egoitza.](/media/asset_publics/resources/001/047/440/article_main_landscape/uned-irunea.jpg)
UNED Urrutiko Hezkuntzako Espainiako Unibertsitatearen Iruñeko egoitzak jasoko du, datorren abenduaren 3an, Nafarroaren Egunean, foru Gobernuak urtero ematen duen Urrezko Domina.
Saria emateko foru-dekretuaren testuan, Gobernuak honako hau nabarmendu du: «Haren existentziak eta jarduerak erraztu eta ahalbidetu egin du herritarren multzo batek goi-mailako hezkuntza-mailetara iristea, bestela ezin izango bailukete egin», eta «urrutiko prestakuntza-modalitateak emakume asko sartzea ahalbidetu du, aukera-berdintasuna bultzatuz».
Exekutiboaren iritziz, «gure Foru Erkidegoan UNED izateak, 50 urte hauetan, Nafarroaren garapen sozioekonomikoari lagundu dio bere jarduera akademikoaren hedapenari esker, aukera kultural zabala sortuz eta pertsona kopuru handi baten kualifikazioa handituz».
Nafarroako Urrezko Domina Foru Komunitateko kondekoraziorik handiena da.
Horrekin, 1982az geroztik, Nafarroako Gobernuak errekonozimendua eman die gizartea hobetzen, balio demokratikoak sendotzen eta herrialdearen kanpo-proiekzioan egindako ekarpenagatik nabarmendu diren pertsona, erakunde, entitate eta kolektiboei.
Lakuaren laguntza UNEDi
Bestalde, Lakuako gobernu kontseiluak astearte honetako bileran adostu du UNEDi zuzeneko laguntza ematea 2023ko ekitaldian euskal kulturarekin eta euskararekin lotutako urrutiko prestakuntza proiektuak finantzatzeko. Laguntza 201.672 eurokoa izango da.
![Raimundoelcanastero2022](/media/asset_publics/resources/001/051/685/article_thumb_horizontal/raimundoelcanastero2022.jpg)
UPN quiere censurar a Raimundo el Canastero en las fiestas de Tafalla
![Donostia-faxismoa](/media/asset_publics/resources/001/144/019/article_thumb_horizontal/donostia-faxismoa.jpg)
Donostian «gora doan» arrazakeria eta faxismoarekin amaitzeko deia egin dute 35 eragilek
![Naizgabarra](/media/asset_publics/resources/001/144/017/article_thumb_horizontal/NAIZgabarra.jpg)
Gabarra zahar baten koadernoa berreskuratu dute Donostiako Ondarreta hondartzan
![Ertzaintza](/media/asset_publics/resources/001/144/022/article_thumb_horizontal/ertzaintza.jpg)
Detenido un ertzaina por disparar a tres presuntos ladrones en Trebiñu y dar una versión falsa
![Txosnak](/media/asset_publics/resources/001/144/736/article_thumb_horizontal/Txosnak.jpg)