![‘Bideak’ podcastaren irudia.](/media/asset_publics/resources/000/980/925/article_main_landscape/bideak.jpeg)
Rikardo Arregi Kazetaritza sarien epaimahaiak asteazken honetan jakinarazi ditu aurtengo finalistak. Bi sari nagusi emango dira, biak maila berekoak, bederatzina mila eurokoak: Kazetaritza saria eta Komunikazio saria. Atal bakoitzak launa finalista ditu, eta horien artean da NAIZ Irratiko ‘Bideak’ podcasta, Kazetaritza alorrean.
‘Bideak’ podcasta ‘Mediabask’-ekin elkarlanean sortu zuen NAIZ Irratiak. Frantziar Gobernuak Euskal Herriko mugak itxi eta kontrolak gogortu zituenetik horrek migratzaileentzat izan dituen ondorioak ditu aztergai, zazpi ataletan: ‘Bide galduak’, ‘Bidegileak. Nori ixten dizkio ateak Europak?’, ‘Irun, harrera herria’, ‘Checkpoint’, ‘Dublingo bidea’, ‘Harrera Lapurdin’ eta ‘Bide berriak’.
Kazetaritza sarirako gainerako hiru finalistak honakoak dira: ‘Geuria’ komunikabidearen ‘Zelan sentitzen zara?’ ale berezia, ‘Berria’-ren ‘Kinka’ podcasta eta ‘Urte batetik bertzera, mundu batetik bertzera’ Xabier Itzainaren kronika sorta dantzan.eus agerkarian.
Komunikazio sariaren finalistak, berriz, hauek dira: EITBren ‘Lore hostoak’ podcasta, EITBren ‘#10garrena’, ‘Muak et’ webseriea eta EITBren ‘Harpa jotzen’ podcasta dira.
Finalisten artetik bi saridunak nortzuk diren sari-banaketa ekitaldian jakingo da, heldu den azaroaren 29an, Andoaingo Bastero Kulturgunean. Finalistak ere bertan izango dira, eta beraiek ere orduan jakingo dute, ez lehenago, nortzuk diren saridunak.
Aurtengo sari-banaketa ekitaldian, gainera, Menane Oxandabaratz kazetaria omenduko dute, ohorezko mugarri izendatuz.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Arnaldo](/media/asset_publics/resources/001/153/497/article_thumb_horizontal/arnaldo.png)
UPN coloca una pistola a Arnaldo Otegi en un fotomontaje y luego lo retira
![Apartamentos_pamplona](/media/asset_publics/resources/001/154/001/article_thumb_horizontal/apartamentos_pamplona.jpg)
EH Bildu, PSN, Geroa Bai y Contigo-Zurekin no permitirán más pisos turísticos en Alde Zaharra
![Vinicio](/media/asset_publics/resources/001/154/378/article_thumb_horizontal/vinicio.jpg)