![Xabier Goienetxea, aske geratu ostean astelehen honetan.](/media/asset_publics/resources/001/050/838/article_main_landscape/xabier-goienetxea.jpeg)
Parisko Zigorren Aplikaziorako Auzitegiak Xabier Goienetxearen baldintzapeko askatasuna onartu du ostiral honetan, Bake Bideak jakinarazi duenez.
Goienetxea oreretarra Lannemezanen dago preso. Bake Bideak ohar batean azaldu duenez, auzitegiaren erabakia «testuinguru berezi batean» ematen da, izan ere, nahiz eta PNAT Terrorismoaren Aurkako Fiskaltzak erabakiari helegitea jartzeko aukera duen, audientzia egunean baldintzapeko askatasuna onartzearen alde agertu zen, erabaki horrek desordena publikoak eragiteko arriskua ez zuela areagotuko azpimarratuta.
Bake Bidearen iritziz, Fiskaltzaren «jarrera aldaketa horrek» erakusten du «Euskal Herriko testuinguru politikoa kontuan hartzen duela, gaur egun arte beti baldintzapeko askatasunen onarpenaren kontra agertu delako».
«Erabaki honek preso, iheslari eta gatazkaren ondorio guzien tratamendu orokorrari ateak ireki behar dizkio», nabarmendu du elkarte horrek, eta frantziar eta espainiar estatuei dei egin die. «bake prozesuan aktiboki» engaiatu daitezen.
Baldintzapeko askatasuna onartuta, Goienetxea astelehen honetan geratu da aske, Etxeratek berri eman duenez.
Ortzaizeko operazioan atxilotua
Xabier Goienetxea 2015eko uztailaren 7an atxilotu zuten Ortzaizen, Nafarroa Beherean, Iñaki Retarekin batera, ETAren armagabetzeari begirako lanetan ari zirela. Polizia fratsesak eta Guardia Zibilak elkarlanean burutu zuten operazioa. Biak atzeman zituzten etxearen jabeak, Meff Mateo eta Terexa Lekunberri, ordu batzuk geroago hartu zituzten atxilo eta bi egun beranduago Grazi Etxebehere atzeman zuten Ortzaizen.
Uztailaren 11n, Goienetxea eta Reta espetxeratu egin zituzten, eta gainerako hirurak aske geratu ziren, kontrol judizialpean.
Bostak 2018ko abenduan epaitu zituzten Parisen eta guztiek bake prozesuarekin beren konpromisoa azaldu zuten, baita armagabetzeari egin zioten ekarpena ere. Goienetxea eta Retari zazpina urteko kartzela zigorra ezarri zieten, zigorraren bi herenak betetzeko betebeharrarekin; Grazi Etxebehereri, 18 hilabetekoa, betetzeko beharrik gabe, eta seina hilabetekoa Jeff Mateo eta Terexa Lekunberriri, espetxera joan beharrik gabe.
![Fumanal1](/media/asset_publics/resources/001/146/593/article_thumb_horizontal/fumanal1.jpeg)
«Sánchez decide así porque sabe que las bases están con él; Feijóo está atado de pies y manos»
![Captura_de_pantalla_2024-08-25_a_las_14.19.11](/media/asset_publics/resources/001/149/394/article_thumb_horizontal/Captura_de_pantalla_2024-08-25_a_las_14.19.11.png)
Tres corzos se ceban con Euskaltel-Euskadi: tiran a Juaristi y saltan sobre el coche del equipo
![Captura_de_pantalla_2024-08-29_a_las_19.55.22](/media/asset_publics/resources/001/151/147/article_thumb_horizontal/Captura_de_pantalla_2024-08-29_a_las_19.55.22.png)
Adam Castillejo, de las dos «sentencias de muerte» a su esperanzadora cura del VIH
![Ertzaintza](/media/asset_publics/resources/001/151/173/article_thumb_horizontal/ertzaintza.jpg)
Asuntos Internos investiga la muerte de un conductor que se habría encarado a ertzainas en Irun
![Echavarri](/media/asset_publics/resources/001/151/291/article_thumb_horizontal/echavarri.jpg)