Palestinaren erresistentziaren aldeko mobilizazioak ez du etenik Euskal Herrian eta gaur manifestazioak izan dira hiri nagusienetan, Palestinarekin Elkartasuna ekimenak deituta eta hainbat eragileren sostenguarekin.
Goizean, Maulen, Hendaia eta Irun artean eta Iruñean izan dira mobilizazioak. Arratsaldean, berriz, Bilbon eta Gasteizen.
«Palestinarekiko elkartasun olde hau geldiezina da eta Euskal Herrian palestinarren erresistentziari, Estatu sionistaren desegitearen aldarrikapenari eta gobernu eta erakundeen lankidetza eta konplizitatea Palestinako herriaren genozidio sionistarekin salatzen duen babes zabala erakusten du», nabarmendu dute antolatzaileek goizeko manifestazioetan.
«Palestina libre izango da edo ez da izango. Guretzat, irtenbidea Israelgo erakunde sionistaren desegitea da, deskolonizazio-prozesu baten bidez Palestina ibaitik itsasoraino libre eraikitzea, palestinar errefuxiatu eta erbesteratuen itzulera; eta preso politiko palestinar guztien askatasuna ahalbidetuko duena», azaldu dute.
«Guk ez dugu beste alde bat begiratuko! Ez dugu herri palestinarra bakarrik utziko Palestinaren kolonizazio sionistaren aurreko borrokan!», aldarrikatu dute.
Gasteiz eta Bilbo
Arratsaldean, bi mobilizaziok Palestinaren egoera salatu dute Bilbon eta Gasteizen, baita Israelgo Estatuarekin «gobernu eta erakundeen lankidetza eta konplizitatea» ere.
[Bilboko jarraipena]
— Palestinarekin Elkartasuna (@Palestinarekin) November 11, 2023
Jendetza batu da Eliptika plazan. Espainiako Gobernu Delegaritzaren aurrean agiri bat irakurri dugu, PSOEren gobernuak sionismoarekin duen konplizitatea salatzeko. pic.twitter.com/PvGdiEuS9Z
Bilboko hitzorduan, ‘Gora Palestinar Erresistentzia. Sionismoa Genozida’ lelopean, antolatzaileek elkarretaratzea egin dute Gobernu espainolak hirian duen Ordezkaritzaren aurrean, eta Palestinako herriak pairatzen duen egoera eta «PSOEren gobernuak sionismoarekin duen konplizitatea» salatu dute.
Era berean, ‘Palestinarekin Elkartasuna’ ekimenean bildutako taldeek azpimarratu dute ez dutela «beste aldera begiratuko» eta ez dutela «herri palestinarra bakarrik utziko».
La sanidad vasca en el espejo europeo: infradotada y relativamente infrafinanciada
Fallece Koldo Anza, hermano de Jon Anza y extrabajador de la Real
«El problema de la vivienda solo se puede solucionar con intervención real del mercado»
Nueva «cruzada, por Dios y por Navarra», contra el acuerdo para demoler parte de Los Caídos
