‘Nazioa gara’ lelopean EH Bilduk larunbat honetan Bilbon egingo duen mobilizazioak nazioartearen babes zabala jaso du, han izango baitira Herrialde Katalanetako ERC, CUP, Compromis, Mes Per Menorca eta ERC-PV, Galizako BNG, Asturiasko Andecha Astur, Palestinako FPLP, Mendebaldeko Saharako Fronte Polisarioa, Kurdistango KNK eta Irlandako Sinn Fein.
Hirugarren urtez jarraian egingo du koalizio subiranistak mobilizazio nazionala azaroan. Aurtengoan, La Casillatik abiatuko da, arratsaldeko 17.30ean, eta aurrenekoz Zabalburu plazan amaituko da martxa.
‘Txoria txori’ abestuko dute
Arnaldo Otegi koalizioko koordinatzaile nagusiaren hitzartze politikoaz gain, Autonomia kalean bilduko diren milaka lagunek ‘Txoria Txori’ kantatuko dute, Euskal Herria «nazio bat dela aldarrikatzeko modu sinboliko gisa».
Era berean, EH Bilduk ohar bidez jakinarazi du ekitaldi handi hau euskal herritarren eskura jarri duen sare sozialen tresna berria sortzeko eta zabaltzeko. Hala, Whatsapp kanal bat sortu dutela azaldu du koalizioak, euskal herritarrek EH Bilduren ekimenen berri izan eta ezkerreko alderdi subiranistarekin harremanetan jartzeko. Kanal horretara iristeko lotura zein den ere zehaztu dute.
Una joven de 15 años fallece en el accidente de una familia madrileña en Oibar
UPN quiere censurar a Raimundo el Canastero en las fiestas de Tafalla
Donostian «gora doan» arrazakeria eta faxismoarekin amaitzeko deia egin dute 35 eragilek
Gabarra zahar baten koadernoa berreskuratu dute Donostiako Ondarreta hondartzan
