Donostiako Zigor arloko 2 zenbakiko Epaitegiak bi urte, sei hilabete eta egun bateko espetxe zigorra ezarri dio gizon bati alkoholaren eraginpean gidatu eta gurpildun aulkian zihoan gizon bat zebrabide batean harrapatu eta hiltzeagatik. 2022ko apirilean gertatu zen ezbeharra Ibarran.
Epaitegiak ohar baten bidez adierazi duenez «ibilgailu motordunarekin egindako zuhurtziagabekeria larriaren ondoriozko giza hilketaren delitu baten egiletzat» jo du epaileak. Baita edari alkoholdunen eraginpean gidatzearen beste baten egiletzat ere.
54 urte zituen hildakoak
2022ko apirilean gertatu zen ezbeharra, arratsaldeko lehen orduan, Ibarran. Auzipetuak gizon bat harrapatu zuen bere ibilgailuarekin, une horretan gurpil-aulkian oinezkoen pasabide bat zeharkatzen ari zen bitartean.
Azken hau bere aulkitik jaurti eta burua lurraren kontra jo zuen, minutu gutxi geroago hil zen. 54 urte zituen hildakoak, eta bera laguntzen zihoana zaurituta geratu zen, eta erietxera eraman behar izan zuten.
Azaroaren 21eko epaian frogatutzat emandako gertakariek jasotzen dutenaren arabera, edari alkoholdunak edateagatik akusatua ez zen gidatzeko gai, eta hori egiaztatu zen bertaratutako Ertzaintzako agenteek egin zioten proban.
La fiesta en Lizarra arranca con represión a un cantante, cohete dividido y Bajadica suspendida
El estreno de Iñaki Kerejazu como Celedón desborda Gasteiz con recuerdo a los ausentes
Dos getxoztarras, madre e hija, fallecen en un accidente en Tanzania
Una joven de 15 años fallece en el accidente de una familia madrileña en Oibar
