![Arrillaga eta Aldairen arteko besarkada, 2021eko finalean.](/media/asset_publics/resources/001/057/389/article_main_landscape/arrillaga2.jpg)
Bigarren urtez jarraian, Abadiñoko Matiena pilotalekuak jasoko ditu Master Laboral Kutxako Lau eta Erdiko finalerdiak. Egun osoko festa izango da biharkoa, eguerdian, ETB-1eko kamerak zuzenean direla pilota mistoko finalerdiak jokatuko baitira eta arratsaldez (16.00etatik aurrera) beste lau mailatako beste zortzi finalerdi. Hau da, gaur egungo emakumeen esku pilotaren errealitate guztietako pilotaririk onenak Matienan izango dira, pilotazaleen gozamenerako.
Urteko txapelketarik garrantzitsuena heldu da bere azken txanpara eta lehia ikusgarriak tarteko, aurtengo edizioak finalista berri bat izango du, elkarren aurka arituko diren Leire Garai eta Goiuri Zabaleta ez dira eta inoiz horren urrutira heldu txapelketa honetan. Aurrelari gasteiztarra sasoi oso onean eta moralez gainezka helduko da Matienara, final laurdenetan Olatz Arrizabalaga bezalako pilotari handi bati nagusitasunez gailenduta. Kantxan sendotasun handia irabazi du Garaik azken hilabeteetan eta lehendik zituen dohaiei askoz etekin handiagoa ateratzeko gai da gaur egun. Parean txapelketa ikusgarria egin duen Goiuri Zabaleta gaztea izango du. Leitzarra hiru partida irabazita dator eta bere burua onenen artean egonkortzea lortu du. Errematean izugarrizko dohaiak ditu eta ikuskizuna bermatua dago bere dejadekin.
Beste finalerdian txapelketa honetan txapeldun izandako bi emakumeen arteko dema izango da, Amaia Aldai eta Miriam Arrillaga. Azken bi urteetan garaipena eskuratuta, dimarrak historia egiten jarraitu nahi du hirugarren txapela jantzita, baina horretarako pilota mistoarekin lehen txapela jantzi zuen emakumea gainditu beharko du. Estilo arteko talka izango da, oldarkorragoa Aldai eta seguruagoa berriz ere onenen artean dagoen Arrilllaga, bere erritmoa ezartzen asmatzen duenak asko izango du irabazia.
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)