Donostiako Gladys Enean bizi den beltxargak asperturik hasi du eguna eta Egia auzotik bueltatxoa eman du. Egia esan, udal langileek urmaela garbitzen zuten bitartean egin du paseorako hautua, Cristina Enea Fundazioak jakitera eman duenez.
Gaur goizean Cristina Eneako beltxarga Egia auzora atera da, Udal langileek bera bizi den urmaela garbitzen zuten bitartean. pic.twitter.com/MuNq5zV2U4
— Cristina Enea Fundazioa (@cristina_enea) January 23, 2024
Mandasko Dukearen pasealekua eta Egia kalearen azpiko partetik ibili da beltxarga bere paseoan, urmaela garbiturik zuela berriro ohiko tokira itzuli arte. Parkean egoten diren hegaztiak askatasun kontrolatuan daude, inguruan ibiltzeko eremu handia dutelarik. Dena den, beti da atsegina bueltatxo bat ematea.
Ez da lehen aldia
Ez da lehen aldia Gladys Enea parkeko hegaztiak inguru horretatik atera eta Egia auzoko kaleetan bueltaka ibiltzen direla, baina gaurkoak oihartzun zabala izan du sare sozialetan.
Beltxargekin batera, paumak izaten dira Gladys Enea parkean eta karrankak entzutera ohituak daude inguruko auzotarrak. Konfinamenduan, adibidez, pauma talde bat Egia kalean ibili zen aldapan gora. Egun horietan kaleetan ixiltasuna nagusi zen eta paumek parkean duten lasaitasuna ere izan zuten beren abenturatxoa bizitzeko.
«No se hunde la oferta, cada vez se firman más alquileres temporales fraudulentos»
«Tenemos 58 personas saliendo de prisión cada día, hay que fortalecer Harrera»
El caso Cabacas, «insuficientemente clarificado» según el memorial inaugurado en Bilbo
Muguruza lleva ‘Sarri Sarri’ a Martutene 39 años después de la fuga que la inspiró
