![Bilbobuseko langileen manifestazio bat, artxiboko irudian.](/media/asset_publics/resources/001/099/876/article_main_landscape/bilbobus.jpg)
Bilbobuseko langileek greba mugagabea hasiko dute astearte honetatik aurrera, lan hitzarmen berria aldarrikatzeko azken hilabeteotan egiten ari diren mobilizazio dinamikaren baitan. Astelehen honetan 24 orduko lanuztea dute langileek eta goizeko lehen orduan manifestazioa egin dute San Inazio auzotik plaza Biribileraino.
Enpresa batzordeko presidente Jose Fernandezek (UGT) Europa Pressi adierazi dionez, asteartetik aurrera greba mugagabea hasiko dute. Astegunetan egingo dute, astelehenetik ostiralera, gatazka konpondu bitartean. Biharko manifestazioa deitu dute goizeko 9.00etan Galtzada Nagusiko 85. zenbakitik hasita udaletxe aurreraino.
Jose Fernandezek esan duenez, «errespetu, zuhurtzia eta kezkarekin» hasiko dute greba mugagabea, baina baita haserre ere, gatazka desblokeatzeko ez delako aurrerapausorik eman.
Azaldu duenez, ez dute kontakturik izan ez Udalarekin ez zerbitzua kudeatzen duen enpresarekin. Biei dei egin die dagokien arduraz joka dezaten, «zerbitzuaren arduradun eta ordaintzen ari zaion zerbitzuaren kontratuaren titular gisa», Bilbobusek eskaintzen duen zerbitzua «oinarrizkoa, publikoa eta hiritarrek ordaindutakoa delako».
Hilabeteetako negoziazioen ondoren, Bilbobuseko langileek 2023ko urrian hasi zituzten hitzarmenaren aldeko mobilizazioak. Salatu dutenez, ez Udalak ez enpresa arduradunak ez dute ezer egin gatazka konpontzeko. 2021etik hitzarmena berritu gabe daukate.
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)