![Bilbon egin du Elkarrekin Podemosek kanpainaren itxiera ekitaldia.](/media/asset_publics/resources/001/104/922/article_main_landscape/Cierrecampana19abril(I).jpg)
Ione Belarra Podemoseko idazkari nagusiak EH Bilduri elkarrekin «ezkerreko gobernagarritasuna» eraikitzea eskaini dio, eta ohartarazi du egoera ezin dela aldatu «kultura ustela» duen eta modus operandi bezala «klientelismoa» duen EAJ bezalako alderdi batekin.
Elkarrekin Podemosek Bilbon egindako kanpainaren amaiera ekitaldian adierazi du hau Belarrak, Miren Gorrotxategi lehendakarigaia eta Juantxo Lopez de Uralde eta David Soto Arabako eta Gipuzkoako zerrendaburuak, hurrenez hurren, alboan zituela.
Militantziari ere zuzendu zaio: «Datorren igandean, inoiz baino gehiago, zuen beharra dugu, mundu guztiarekin hitz eginez eta mundu guztiari gogoraraziz igandean, hautetsontziak irekitzen direnean, hemen ez duela EAJk agintzen, jendeak agintzen duela».
«PSE eta Bildu borrokan ari dira EAJrekin nork gobernatzen duen ikusteko, eta hori tristea da. EH Bildu ardatz nazionala lehenesten ari da euskal herritarren eskubideen aurrean. Eta hori arazo bat da, aukeratu beharrik ez dagoelako», gaineratu du.
Bere hitzartzean, Miren Gorrotxategi lehendakarigaiak zalantzatiei eta «ezkertiarrak diren guztiei» Elkarrekin Podemosi botoa emateko eskatu die, «ezkerreko gobernuak izateko». «Eskuinak beti bozkatzen du, eskuinak ez du huts egiten, beti bozkatzen du», gogorarazi die.
Bestalde, Juantxo Lopez de Uralde Arabako zerrendaburuak kritikatu du Lakuan «ahoa abertzaletasunez betetzen duen baina bere politikekin lurraldea suntsitzen duen nazionalismoak» gobernatzen duela.
David Soto Gipuzkoako zerrendaburuak ohartarazi duenez, «batzuetan zaila da herri adostasun batzuei ezetz esatea. EAJren kutxatik ateratzea ez da erraza. Otxandianok esan du EAJrekin partekatu nahi dituela. Argi dago zein den zure asmoa. Eta guk ezetz esan dugu, nahiz eta oso erraza zatekeen gonbidatzen gintuzten adostasun horiei baietz esatea. Baina gure sinesmenak eta balioak mantentzea erabaki genuen».
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![0811_eh_pavel](/media/asset_publics/resources/001/145/092/article_thumb_horizontal/0811_eh_pavel.jpg)
Polonia mantiene abierta la investigación contra Pablo González y podría juzgarlo en rebeldía
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)