![Pello Otxandianok mendian osteratxoa egiteko abangunea hartu du.](/media/asset_publics/resources/001/105/096/article_main_landscape/otxandiano-loiola.jpg)
Hausnarketarako egunak atseden hartu eta «agendarik gabe» ibiltzeko beta ematen die hautagaiei, baita diskurtsoak alboratu eta baloreak ekintzen bidez transmititzekoa ere. Hauteskundeetan, itxurak urrea balio du. Hala, naturarekin kontaktua, tokiko produktuen erosketa eta ekitaldi kulturaletan parte hartuz kolektiboan aritzea izan dira larunbat honetan hautagaiek balioan jarri dituzten eginkizunetariko batzuk.
Portugaleteko azokan egin dute topo hautagaietariko bik, EAJko Imanol Pradalesek eta PSEko Eneko Anduezak. Herri bizkaitarreko biztanle dira biak, eta elkar agurtzeko tartea ere hartu dute azokan bertan. «Portugaletearrok badugu larunbatetan azokara etortzeko ohitura, elkar topo egitea ohikoena da», esan du Anduezak.
Pradalesek pastelak eta etxerako loreak erosi ditu eta kanpainan zehar alderdi bakoitzak proposatu duena aztertu ostean, igande honetako hauteskundeetan «parte hartze handia» egon dadila nahi duela adierazi die hedabideei, «hurrengo lau urteetarako gobernua baitago jokoan».
Andueza, aldiz, goizean bere emaztearekin batera Barakaldora joan da, alabetariko baten saskibaloi partida ikustera, eta ostean fruta eta gozoak erosi ditu Portugaleteko azokan. Urtebetetze bazkari bat du larunbat honetan, eta arratsaldean etxean igarotzeko asmoa du, biharko indarberrituta egoteko.
EH Bilbuko hautagai Pello Otxandianok mendi buelta baterako abagunea hartu eta familiarekin batera «deskonektatu eta atseden hartzea» izan ditu larunbat honetako zeregin nagusiak. Hala ere, tarte bat hartu du euskal gizarteari bozkatzera joan dadila eskatzeko, igande honetakoa «egun garrantzitsua» dela iritzia, «hurrengo urteetako gure etorkizuna baitago jokoan», adierazi du.
Aste eta hilabeteetako ekimenaren ostean, deskonektatzeko eguna izaten ari da gaurkoa. Eztabaida politikoaren maila igo, elkarguneak bilatu eta politika konbentzionalaren kodeetatik ateratzeko lanak atsedena merezi du.
— Pello Otxandiano Kanpo (@PelloOtxandiano) April 20, 2024
Gozatu egun ederraz eta bihar arte. pic.twitter.com/99XIhtwEuH
Miren Gorrotxategi Elkarrekin Podemoseko hautagaia, bere aldetik, Bogoroditsie koruko bere kideekin batera kantuan aritu da Durangoko Kurutzesantu museoan, Udalaren programa kulturalaren barneko ekitaldi batean. Honek ere parte-hartzean jarri du azpimarra, «izan programa kulturaletan edo politikan, parte-hartzea beti baita oso garrantzitsua», eta bihar hauteskundeetako «egun berezia» dela nabarmendu du: «Espero dut mundu guztiari axola izatea eta denok joatea bozka ematera».
PPko hautagai Javier de Andresek bere alderdiko kideekin biltzea hautatu du. Kanpainan zehar musutruk lanean aritu direnekin berak sukaldatutako karramarro kazola bat partekatu du alderdiaren Gasteizko egoitzan. Arabako PPko kideekin Bastidan bazkaldu eta arratsaldea familiarekin pasako du De Andresek.
Bizkaiko nire tokirik gogokoenera hurbildu gara gaur.💙
— Alba García Martín (@alba_garcia_m) April 20, 2024
Qué suerte estar rodeada de mi equipo para descansar y coger fuerzas. pic.twitter.com/GkN6V2STV7
Azkenik, lagun eta alderdikideen artean ibili da Sumarreko Alba Garcia ere. Azkorri eta Sopela arteko pasealekuan bildu da eurekin. «Arratsaldean nire familiarekin egongo naiz, nire aititeekin, nire gurasoekin, eta anaiari dei bat ere egingo diot... atseden hartu eta biharko indarrak hartu behar dira», esan du.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![0811_eh_pavel](/media/asset_publics/resources/001/145/092/article_thumb_horizontal/0811_eh_pavel.jpg)
Polonia mantiene abierta la investigación contra Pablo González y podría juzgarlo en rebeldía
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)