EAJren Euzkadi Buru Batzarrak astelehen honetan egindako bilkuran erabaki du Joseba Diez Antxustegi arabarra izango dela Gasteizko Legebiltzarrean jeltzaleen taldearen bozeramailea. Beraz, orain arte eledun izandako Joseba Egibar Gipuzko Buru Batzarraren presidentearen lekukoa hartuko du aurrerantzean apirilaren 21ko hausteskundeetarako Arabako zerrendaburu izandakoak.
Joseba Diez Antxustegik 31 urte ditu, Gasteizen jaiotakoa eta Zuzenbidean lizentziaduna da, Euskal Herriko Unibertsitatean. Gasteizen Legebiltzarkide izandakoa da 2019ko ekaina eta 2023ko iraila bitartean eta gaur egun Arabako Batzar Nagusietan EAJren bozeramailea da, baita Asparrenako zinegotzia ere, 2023ko udal hauteskundeetan herri horretako zerrendaburu izan ostean.
Halaber, jeltzaleen zuzendaritzak igandeko bileran berretsi zuen legegintzaldi honi hasiera emango dion astearteko osoko bilkuran Bakartxo Tejeria proposatuko duela Gasteizko Parlamentuko presidente izateko. Azken hiru legealdietan izan da presidente Tejeria.
Mahaiaren lehen idazkarirako, aldiz, Ion Aiarza proposatuko du EAJk astearteko osoko bilkuran. Joan den apirilaren 21eko hauteskundeetan Bizkaiko zerrendan hirugarren joan zen Aiarza.
Iñigo Iturrate, de la Mesa del Parlamento a la dirección general del Euskalduna sin descanso
EH Bildu se acredita en el Parlamento para ser un espacio de encuentro y responsable
El PNV aúpa al PSE y relega a EH Bildu en la elección de la Mesa de la XIII Legislatura
EH Bildu critica la política excluyente de PNV-PSE, que se comprobará hoy
«Sistema berria atera bitartean, polita litzateke berdin sentitzen garenon dimisioak pilatzea»
«Me hace mucha ilusión ver mi nombre en películas Disney junto a gente que admiro tanto»
Fallece Koldo Anza, hermano de Jon Anza y extrabajador de la Real
La jueza logra más imágenes y reclama identificar a los ertzainas en el caso de Amaya Zabarte
