![Jai eragileen auzolanaren alde Iruñean egindako agerraldia.](/media/asset_publics/resources/001/115/222/article_main_landscape/auzolana.jpg)
Nafarroako zenbait jai batzorde, kultur elkarte, peña, txosna batzorde eta konpartsak agerraldia egin dute Iruñean larunbat honetan laster hasiko diren auzoetako eta herrietako jaiak direla eta. Auzolanera deitu dute, «komunitatea ehuntzeko, batzeko, indartzeko eta elkar laguntzeko ezinbesteko lanabesa» delako, «balore eta konpromisoak barnebiltzen dituena».
Beraz, «gure auzo eta herrietan komunitatea batu eta eraikitzen jarraitzeko, auzo eta herriei bizia ematen dieten egitasmoak aurrera eramaten jarraitu ahal izateko, guztiontzat topaleku diren espazioak sortzen jarraitzeko», auzolanarekiko konpromisoan jarraituko dutela argi utzi dute, herriak eta auzoak herritar eta bizilagunek egiten dituztela aldarrikatuz.
«Auzolanaz baratzeak, elikadura sareak, kontsumitzaile taldeak, energia kooperatibak, elkarte gastronomikoak, ibai garbiketak, gure herrietan behar diren konponketak, desfileak, erakustaldiak, kontzertuak, kalejirak... antolatu ditugu. Auzolanaz atera genituen pandemiako zaintza sareak aurreram auzolanaz antolatzen ditugu Inauteriak, jaiak, Olentzeroak, kultur asteak, auzoen egunak, erraldoien topaketak eta beste ehun ekimen. Auzolanaz eraiki ditugu elkar zaintzeko eta elkar laguntzeko espazioak eta auzolanaz jarraitu nahi dugu gure auzo eta herriei bizia ematen», azpimarratu dute jai eragileek.
Auzolanari eskeri bizitakoaren eta ikasitakoaren garrantzia nabarmenduz, «erronka makala» ez duela aitortu dute baina «mundu guztia animatu nahi dugu antolatzen ari garen jai herrikoi, parte hartzaile, feminista euskaldun eta ekologistetan parte hartzera», esan dute. «Udaberriarekin batera, jarrai dezagun gure kale, plaza, auzo eta herriak biziberritzen!».
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)