![Gasteiz Antzokiaren aldeko agerraldi bat.](/media/asset_publics/resources/001/121/979/article_main_landscape/antzokia.jpg)
Azken asteotan arduradun eta talde politiko desberdinen eta Gasteiz Antzokiaren Aldeko Plataformaren arteko elkarrizketak izan badira ere, azken honek arduradunek «korapiloa askatzeko» proposamenik egiten ez dutela deitoratu dute astearte honetan zabaldutako ohar batean.
Duela hilabetetik Arabako hiriburuko Izaskun Arrue kulturgunea, Gasteiz Antzokia, irekitzea aldarrikatzen hasi ziren, oraingoan ere gogorarazi dutenez, eraikinaren lanak 2022ko irailean amaitu zituzten eta. Gasteizko euskaltzaleek «duela hamarkada bat baino gehiago aldarrikatzen duten» proiektua dela diote.
Antzokia ez irekitzeari Udalak Lazarraga elkarteari 112.817,10 euro itzultzeko eskaera gehituta, plataformatik adierazi dutenez «egoera jasangaitza izan arte eutsi nahi diote euren posizioari, Antzokia kudeatzeko ardura duen Lazarraga Kultur Elkartea itotzeraino».
«Proiektu honek ezin du zakarrontzian amaitu», azpimarratu dute, «horregatik ozen salatu nahi dugu Gasteizko Udalaren utzikeria eta borondate falta eta eskatzen dugu: Udalak egoera bideratzeko eta konponbide adostu bat lortzeko neurrian har ditzala berandu baino lehen».
1.600 sinadura baino gehiago
Hala ere, herritarren babesa «gero eta nabariagoa» dela nabarmendu du plataformak. Udalari zuzendutako gutunak guztira 1.600 sinadura baino gehiago jaso ditu eta «egunetik egunera» kopuruak gora egiten jarraitzen duela esan dute.
Horrez gain, proiektuarekiko atxikimendua erakutsiz eta konponbide bat eskatuz sare sozialetan agertu diren pertsona ezagunen laguntza aipatu dute, esate baterako, Bernardo Atxagarena, Edurne Azkaraterena, Karmele Jaiorena, Paul Urkijorena, Irantzu Lekuerena eta Aroa Arrizubietarena.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![0811_eh_pavel](/media/asset_publics/resources/001/145/092/article_thumb_horizontal/0811_eh_pavel.jpg)
Polonia mantiene abierta la investigación contra Pablo González y podría juzgarlo en rebeldía
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)