Info7 irratian Aitor Olaizola donostiar gaztearekin hitz egin dute. Gaur berretsi du Espainiako Auzitegi Gorenak bera eta beste zazpiren aurkako seina urteko espetxe zigorra. Errepresioa ez dela eten gogoratu du eta «herriaren esku dagoela guzti hori gelditzen joatea». Herri harresia eraikitzeko beharra azpimarratu du eta euren «aletxoa» jartzen saiatuko direla, «ez gara eramaten utziko, etor daitezela bila», esan du. Bihartik aurrera eskubide zibil eta politikoen defentsan erreferentzia izango den gunea sortuko dute auzipetuek, «elkartasuna eta desobedientzia ardatz».